Gjatë një takim të zhvilluar me strukturat dhe banorët e njësisë nr.7 në Tiranë, kryetari i Partisë Agrare Ambientalise, Agron Duka shpjegoi pse kjo parti nuk do të marrë pjesë në zgjedhje.

Duka ka renditur dy arsye madhore të cilat sipas tij e detyrojnë PAA të marr një hap të tillë. Arsyeja e parë është mos garantimi i zgjedhjeve të lira e të ndershme, ndërsa arsyeja e dytë është ligji për mbetjet të cilat pritet të hyjnë në vendin tonë.

“Ju jeni të gjithë dëshmitarë që zgjedhjet e pjeshme të 2015 patën shumë problematika në të gjithë Shqipërinë.  Partia Socialiste punën e parë që bëri tha se sapo të vinte në pushtet do të shfuqizonte ligjin e mbetjeve, përkundrazi tani po tenton me të gjitha mënyrat që ta realizojë atë, pra të lejojë futjen e mbetjeveve në Shqipëri,” ka shpjeguar ai.

E gjetur përballë kësaj situate Duka thotë se Partia Agrare Ambietntaliste ndjehet e tradhëtuar dhe se nuk është realizuar asgjë nga ato që është premtuar nga PS.

“Ne jemi të detyruar të marrim këtë vendim i cili është i vështirë, nuk është një vendim i lehtë për t’u marrë. Është një vendim i sforcuar në një situatë të sforcuar,” ka vijuar ai.

Në tetë qarqe të shqipërisë, PAA synon të fitojë deputetë dhe ky është një prentendim serioz dhe realist sipas kryetarit të saj.

“Synojmë realisht që në çdo qark të Shqipërisë të marrim nga një deputet sepse kemi zgjedh njerëz me integritet, njerëz që përfaqësojnë pikërisht këto kauza dhe këto probleme që ka Partia Agrare Ambientaliste. Njerëz të zonave jo siç bëjnë partitë e mëdha politike që marrin dhe bëjnë rrokada nga Tirana i çojnë  në Fier, nga Fieri në Shkodër e kështu me radhë,” ka përfunduar ai.

Duka  u prezenatua gjatë takimit edhe me dy kandidatët për deputetë të PAA për Tiranën, Adi Haxhiymeri dhe Arben Tafaj. Kryetari i PAA tha se ndryshe nga forcat e tjera politike, Partia Agrare Ambientalioste po ofron për qytetarët alternativat e duhura, njerëz që jetojnë e punojnë në vendin ku kandidohen, specialist, dhe të fushës që PAA ka në vemendje të saj.