Dhuna që ka pushtuar ambientet e Kuvendit të Maqedonisë, pas zgjedhjes së kryeparlamentarit Talat Xhaferi, e ushtruar nga mbështetës nacionalistë të VMRO-DPMNE-së së Nikola Gruevskit, ka lënë në gjendje të rëndë shëndetësore, por jashtë rrezikut për jetën, kreun e Lëvizjes për Reforma në PDSH, Zijadin Sela.

Mediet e shumta maqedonase e kosovare kanë arritur të publikojnë edhe foton e deputetit të Aleancës për shqiptarët, të gjakosur tërësisht në fytyrë, i cili tërhiqej zvarrë nga deputetë të tjerë për ta shpëtuar nga dhunuesit.

Po ashtu i gjakosur është parë dhe kreu i LSDM-së Zoran Zaev.  Pavarësisht thirrjeve të ambasadorëve të huaj në Maqedoni, drejtuar palëve politike, për vetëpërmbajtje dhe dialog në vend të dhunës, mbështetës të partisë në pushtet të Gruevskit vijojnë të mbajnë të rrethuar Kuvendin e Maqedonisë.

“Jemi shokuar nga dhuna ndaj përfaqësuesve të popullit”

Ambasadori i Suedisë në Maqedoni: Flas në emër të BE-së dhe SHBA-ve. U bëj thirrje të gjitha palëve të frenohen nga dhuna dhe retorika. Situata të mos përkeqësohet. Jemi shokuar nga dhuna ndaj përfaqësuesve të popullit. Është përgjegjësi e policisë të ndërhyjë dhe të ndalë dhunën

https://www.facebook.com/AlsatMTelevision/videos/460083337661226/