Në 13 maj, në orën 19:00, Ministria e Inovacionit do të organizojë tek Piramida Natën Menderose — Rruga Drejt Suksesit tek Piramida, me titullin origjinal FuckUp Night—Rruga drejt Suksesit.
Çuditërisht ka një titull shumë të përshtatshëm!
“Menderose — Rruga drejt Suksesit” duhet të ishte emërtimi i katër viteve të fundit të qeverisë Rama, i cili ka qënë në gjendje të menderosë gati të gjitha premtimet elektorale të bëra në vitin 2013, dhe prapë është në rrugën e suksesit në zgjedhjeve e ardhshme, pa praninë e opozitës.
Ata “i menderosën” Tiranën me një masterplan plot boshllëqe dhe gabime.
Ata “e menderosën” sistemin e drejtësisë me ligjin e vetingut i cili është i pamundur të zbatohet dhe me shumë shkelje kushtetuese të bëra gjatë rrugës.
Ata “e menderosën” zgjedhjet duke dështuar në implementimin e rekomandimeve të OSBE- ODIHR për reformën zgjedhore.
Ata “e menderosën” mbrojtjen e pasurive natyrore duke i shitur ato tek oligarkët.
Ata “e menderosën” Valbonën duke ndërtuar hidrocentrale.
Ka nevojë të vazhdoj më?
Le të shohim se çfarë do të thotë me të vërtet, një mbrëmje e quajtur “Fuck Up”. Sipas faqes zyrtare të organizatës:
FuckUp Nights është një lëvizje globale e lindur në Meksikë në vitin 2012 për të ndarë publikisht histrori të shkurtra dështimi në biznes. Qindra njerëz marrin pjesë në shfaqje për të dëgjuar tre ose katër sipërmarrës të cilët ndajnë me to dështimet e tyre. Çdo folës ka shtatë minuta kohë dhe duhet të përdorë 10 imazhe. Pas çdo folësi, ka një seksion pyetje/përgjigje, si dhe kohë për tu njohur me njëri – tjetrin.
Por në mënyrë tipike, Fuck Up Night e organizuar në Shqipëri nuk është regjistruar si organizim i krijuesve të saj dhe nuk ndodhet në faqen e tyre zyrtare. Idea thjesht është kopjuar (domethënë është vjedhur), dhe është përdorur si një mënyrë e këndshme e hapjes së “Javës së Inovacionit 2017”. Në ftesë, Ministrja e Inovacionit Milena Harito shkruan e entuziasmuar se:
Rruga drejt suksesit sjell historitë e fitores pas një dështimi, si një parakusht i suksesit.
Kjo shpjegon gjithçka. Në mendjen e qeverisë, dështimi është parakushti i suksesit. Pa dështim, nuk ka sukses. Në këtë rast, duket se qeveria e ardhshme do të jetë shumë e suksesshme, sepse do të jetë shumë “e menderosur”.
Duhet të jeni i kyçur në mënyrë që të mund të lini një koment Kyçu