Një ditë më parë ishte paralajmëruar se ish-kryeministri Sali Berisha do të postonte diçka në lidhje me rezultatin e zgjedhjeve të 25 qershorit.

Por kjo nuk ndodhi.

Mbrëmja e së martës u shoqërua nga një tërmet në Partinë Demokratike, që u shoqërua me spekulime nga më të ndryshmet.

Sidomos në qendër të spekulimeve ishte fakti se si po pozicionohet Sali Berisha.

Ndërkohë vetë Lulzim Basha, i vënë në qendër të fortunës për shkak se nuk dha dorëheqjen, por ngriu funksionet partiake, ka bërë një postim online.

“Lajm i mrekullueshem nga Kryeqyteti i Lirise dhe Demokracise:

Isa Sakja u zgjodh Kryetari i ri i Bashkise se Kavajes!

Urimet e mija me te perzemerta qytetareve te Kavajes per kete ngadhnjim mbi krimin, korrupsionin dhe terrorin e bandave!

Mirenjohje te thelle demokrateve te Kavajes dhe Kryetarit Sakja per kete fitore ogurbardhe!

Nga Kavaja heroike e qendreses, perballjes dhe fitores do te nise ringritja e Shqiperise.

Zoti e bekofte Kavajen e Lirise dhe Demokracise!” shkruan Basha në FB.

Edhe partia e re opozitare, LSI, ka përshëndetur fitoren e PD në Kavajë.

Zëvëndëskryetarja e LSI, Monika Kryemadhi ka përshëndetur këtë fitore. Me një postim në Facebook, ajo shkruan, se “qytetaria triumfoi mbi banditizmin dhe strategjinë e terrorit” dhe se shumë shpejt Shqipëria do të ndjekë shembullin e Kavajës.

“Përshëndetje qytetarë të Kavajës! Pavarësisht nga blerjet masive të votës në Kavajë, sot qytetaria triumfoi mbi banditizmin dhe strategjinë e terrorit. Shumë shpejt e gjithë Shqipëria do të ndjekë shembullin e Kavajës. Mirënjohje dhe respekt kandidatit tonë, Maksim Kona. LSI forcë e parë LSI forcë e paparë”, shkruan Kryemadhi./Mapo.al