Kryesore
Vendet ku kanë zgjedhur të studiojnë shqiptarët
Numri i studentëve shqiptarë që zgjedhin të studiojnë jashtë, përllogaritet të jetë 24,372 studentë, sipas të dhënave të Institutit të Statistikave të UNESCO-s. Rreth 80% e tyre kanë zgjedhur të studiojnë në vendet fqinje, Itali dhe Greqi për vitin akademik 2016-2017.
Shteti me numrin më të lartë të studentëve shqiptarë edhe për këtë vit mbetet Italia, me rreth 11,460 studentë, megjithëse ka shënuar një rënie me rreth 177 studentë krahasuar me një vit akademik më parë.
Destinacioni i dytë me numrin më të lartë të studentëve shqiptarë është Greqia me 7,339 studentë. Edhe Greqia ka pësuar një rënie në numrin e studentëve nga viti i kaluar. Një vit më parë në universitetet greke studionin 8,209 studentë shqiptarë, rreth 870 më shumë se në vitin akademik 2016-2017.
Numri i studentëve shqiptarë që shkojnë në Turqi për të studiuar thuajse është dyfishuar krahasuar me vitin akademik të mëparshëm. Nga 471 studentë që ndiqnin studimet në vitin akademik 2015-2016, numri i tyre ka arritur në 775.
Europa Perëndimore është ndër rajonet më të preferuar të studentëve kudo në botë, por edhe i shqiptarëve. Vendet ku shqiptarët janë përqendruar më shumë në perëndim janë: Gjermania me 559 studentë, Franca me 434 studentë, Austria me 285 studentë, Mbretëria e Bashkuar me 247 studentë, dhe Zvicra me 95 studentë.
Rritje të numrit të studentëve shqiptarë kanë njohur dhe vendet e ulëta, si Holanda, Belgjika dhe Luksemburgu.
Vazhdo leximin
Duhet të jeni i kyçur në mënyrë që të mund të lini një koment Kyçu