Kryesore
Kryemadhi kërcënon Ramën me “tre krismat e Parisit” (Video)
Baruti i vertëtetë dhe jo ai artificial, sipas Monika Kryemadhit do vendosë drejtësinë mes saj (shqiptarëve) dhe Edi Ramës. Pas vendimit të Byrosë për ta përjashtuar kryetaren e LSI-së dhe 6 deputetë të tjerë nga punimet e Kuvendit, bashkëshortja e presidentit kërcënon me një skenar të ngjashëm me “tre krismat e Parisit”, dramatizim i vrasjes së Esat Pashë Toptanit në Paris nga Avni Rustemi. Në videon e mëposhtme Monika Kryemadhi flet për paralajmërim ndaj kryeministrit dhe përmend pikërisht Parisin, ku sipas historiografisë komuniste përballë kanë qenë dy palë; patriotët dhe tradhëtarët. Po ashtu kryetarja e LSI-së flet në emër të gjithë shqiptarëve pa përmendur ngjarjen konkrete, por referenca është e qartë, pamvarësisht interpretimeve që mund të bëhen më pas.
Përsa i përket çizmes meqënëse e kanë me merak shumë të madh ashtu siç e ritheksova në sallën e byrosë, në atë byro që më kujtoi byronë politike të para 30 viteve. E njëjta sallë, të njëjtat fytyra. Mund të them që çizmja është simbol i paralajmërimit për këtë Juntë të drogës dhe të krimit të organizuar që po vendoset në Shqipëri. Nuk kanë për tu ndalur sepse nuk do të ndalet populli sepse shqiptarët e kanë vendosur drejtësinë edhe në mes të Parisit jo më në Tiranë
Duhet të jeni i kyçur në mënyrë që të mund të lini një koment Kyçu