Kryesore
FOTO: Policia, më “e bukur”, por… pamja nuk mjafton
Policia është një prej segmenteve të shtetit, prej nga mund të dallohet e vlerësohet vetë shteti.
Përpara reformave të viteve të fundit, ajo ka qenë ndër segmentet më mizerabël dhe ky perceptim, e kishte argumentin e vet tek shërbimi policor në terren, që ofronte shumë pak autoritet, seriozitet, etikë profesionale e pamje imponuese.
Sidomos kjo e fundit, pamja, aparenca pra, ia kishte ulur tej mase kreditet e personalitetit figurës së policit.
Në terren vështirë të hasje policë të pashëm, me shtat të rregullt, që përçojnë rini, energji e dashuri për profesionin; por e kundërta: hasje ca të rrudhur, të lodhur, barkun sa një kacek e gërmuqër.
Pra reforma në Polici e kishte emergjente më së paku ndërhyrjen në aparencë të policëve në terren.
Dhe Shqipëria ka tashmë një gjeneratë të re në polici, të paktën në pamje.
Por me Thelbin duhet kohë e gjatë për t`u marrë.
Ky shpërthim të rinjsh në polici nuk ka ardhur nga një dëshirë e natyrshme për t`u bërë profesionistë.
Tani për tani kjo gjeneratë e re, e ka parë veshjen e uniformës më tepër si mundësi punësimi.
Këta policë të rinj duken bukur, por…
Ende krimi rezulton “më i diplomuar”, sepse ka… zellin.
Duhet të jeni i kyçur në mënyrë që të mund të lini një koment Kyçu