Ja arsyeja pse një pjesë njerëzish nuk arrijnë dot ta lënë cigaren

Lënia e duhanpirjes nuk është gjithnjë një çështje vullneti, edhe genet luajnë rolin e tyre

Të heqësh dorë që nga cigarja e radhës, apo nga paketa e panumërt për disa njerëz duket e pamundur. Kanë të drejtë, tani edhe shkenca iu jep të drejtë, për disa varet edhe nga genet. Një e treta duhanpirësve të bardhë janë bartës të një varianti gjenetik që i bën ata ta kenë të vështirë të lënë cigaren.

Zbulimin e sjell në studim i Universitetit të Mjekësisë në Hangzhou (Kinë), që ka analizuar 23 kërkime të mëparshme mbi një gen, ANKK1, që i lidhur me çlirimin e dopaminës.

Rishikimi i studimeve për 11 mijë duhanpirës nuk solli lidhje të veçanta mes genit dhe lehtësisë së lënies së cigares.

Por kur u kalua vetëm tek kampionet e duhanpirësve të bardhë u zbulua diçka interesante: dy të tretat duhanpirësve të popullsisë kaukaziane kanë një variant geni të quajtur A2/A2, që rrit me 22 % mundësinë e lënies së duhanit në krahasim me pjesën tjetër që ka një tjetër version të genit, A1/A1 ose A1/A2.

Për këtë arsye, një pjesë e vogël e duhanpirësve e kanë më të vështirë të lënë duhanin. Më përpara variantet e genit A1/A1 dhe A1/A2 ishin studiuar për obozitetin dhe varësinë ndaj drogës, duke evidentuar një lidhje të këtyre geneve më varësinë.

Pra ata që kanë versione të evidentuara të këtij geni duhet të parashikojnë terapi “më të vendosura” për të luftuar varësinë nga nikotina.