Masakër në universitetin turk/ Autori: I vrava se ishin gylenistë
Katër persona u vranë në universitetin turk në Eskisehir. Autori i shihte personat mbi të cilët qëlloi si mbështetës të Gylenit, raporton “Reuters”. Agresori Volkan Bayer është arrestuar nga policia. Ai më heret kishte punuar si kërkues shkencor në universitet dhe sipas dëshmisë së parë ishte rikthyer në universitet për të takuar dekanin. Në mungesë të tij, zemërimi i studiuesit, ndaj të cilit disa anëtarë të stafit kishin paraqitur vazhdimisht ankesa, u përplas me zëvendësdekanin, sekretarin e fakultetit, një lektor dhe një anëtar personeli.
Personi në fjalë, i shkarkuar më herët nga detyra, pretendonte se disa punonjës ishin simpatizantë të Gylenit dhe të tilla pohime i kishte bërë dhe në gjykatë, është shprehur Hasan Gonen, rektori Universitetit Osmangazi. Gyleni jeton që prej vitit 1999 në Amerike në Pensilvani. Ai akuzohet nga qeveria turke dhe presidenti Rexhep Tajip Erdoan si orkestruesi i grushtit të dështuar të shtetit korrikun e vitit 2016.
Duhet të jeni i kyçur në mënyrë që të mund të lini një koment Kyçu