Nis Kampionati i 21-të botëror, disa fakte interesante

Teksa Kampionati Botëror i 21-të është gati të nisë në Rusi, më poshtë po sjellim disa fakte interesante që çdo ndjekës i futbollit duhet t’i dijë.

• Kjo është hera e parë në histori, që Kampionati Botëror do të zhvillohet në Rusi. Ai nis më 14 qershor dhe përfundon më 15 korrik.

• Ndeshja e parë do të zhvillohet sot në orën 17:00 mes Rusisë mikpritëse dhe Arabisë Saudite.

• Maskota e kampionatit të 21-të është një ujk me emrin Zabivaka. Ai u zgjodh nëpërmjet votimit në internet.

• Në kampionat do të marrin pjesë 32 skuadra nga e gjithë bota.

• Islanda dhe Panamaja marrin pjesë këtë vit për herë të parë në një kampionat botëror.

• Çmimi në para që do të marrë skuadra fituese është 400 milionë dollarë.

• Ndeshjet do të zhvillohen në 11 qytete të ndryshme të Rusisë dhe në 12 stadiume.

• Stadiumi Luzhniki në Moskë ka një kapacitet prej 81 mijë vetësh dhe është stadiumi më i madh i rindërtuar në Rusi me rastin e Kampionatit Botëror.

• McDonald’s, gjigandi i ushqimit të shpejtë në botë, është partneri zyrtar i ushqimit në këtë kampionat.

Një vështrim prapa në histori:

• Kupa e parë botërore u zhvillua në Uruguaj në vitin 1930 dhe u fitua nga kombi pritës.

• Numri më i vogël i njerëzve që ndoqën një ndeshje të Kupës Botërore ishte vetëm 300, në kampionatin e vitit 1930 në Uruguaj.

• Kampionati Botëror i vitit 2014 they të gjitha rekordet me rreth 3.2 miliardë tifozë të cilët panë ndeshjet në të gjithë botën dhe me një mesatare prej 53 mijë spektatorësh për ndeshje.

• Kupa Botërore është mbajtur 20 herë që nga viti 1930 dhe Brazili ka fituar më shumë kupa, pesë.

• Italia dhe Gjermania mbajnë vendin e dytë me katër kupa secili.

• Vetëm një herë në historinë e Kampionatit Botëror, dy vende ishin vende pritëse. Koreja e Jugut dhe Japonia zhvilluan së bashku kampionatin në vitin 2002.

• Kupa Botërore nuk u zhvillua në 1942 dhe 1946 për shkak të Luftës së Dytë Botërore.