Filmi “2 gisht mjaltë”, i cili ka si aktorë kryesorë Ermal Mamaqin dhe Elvana Gjatën, ka thyer rekord në historinë e kinemasë shqiptare me shitjen e biletave.

Bëhet e ditur se brenda 24 orësh janë shitur mbi 5 mijë bileta vetëm në “Cineplexx”, pa përfshirë këtu kinematë e tjera në Shqipëri, Kosovë dhe Maqedoni. Për herë të parë gjithashtu është futur si orar për të parë filmin në kinema, ora 12 e natës.

Raportohet se aktualisht nuk ka mbetur asnjë biletë për të ndjekur filmin e zhanrit komedi në të shtatë ditët në vijim. Përpara “2 gisht mjaltë”, ishte filmi “Fast and Furious” ai që mbante rekordin me 3 mijë bileta të shitura në 24 orë.