Alketa Vejsiu dhe formati i spektaklit që moderon, “Në Kurthin e Piter Panit”, janë kritikuar së tepërmi ditët e fundit, pasi ajo u bëri thirrje publike të gjithë ndjekësve që të kontribuonin financiarisht për vogëlushin protagonist Xhejson Bafti, i cili njihet ndryshe si ‘Taramelja’.
Ndër personat publikë që reaguan ashpër ndaj kësaj thirrjeje, por edhe diferencimit të fëmijëve të tjerë, ishte opinionisti Olti Curri, psikologia Jeta Toçila dhe gazetarja Ola Bruko. Mirëpo, Alketa duket se ka vendosur t’u përgjigjet të gjithëve në një mënyrë paksa ‘diplomatike’.
“E mira fiton gjithmonë! Në këtë vend s’ka dyshim, ka shumë, më shumë njerëz të mirë seç mendojmë të gjithë ne! Faleminderit! Zoti ju bekoftë!”– ka shkruar Alketa krahas një fotoje ku shfaqet ajo vetë në studion e emisionit.
