Michelle Obama ka qenë për 8 vjet Zonja e Parë e Amerikës, përkrah presidentit Barak Obama. Nën figurën e gruas së dashur, të respektuar dhe serioze, ajo ka krijuar mijëra admirues në mbarë botën.
Madje në një votim online, ajo doli gruaja më e admiruar për 2019.
Po çfarë ka bërë dhe thënë Michelle për t’u admiruar kaq shumë?
Madje njerëzit paguajnë mijëra dollarë për të dëgjuar fjalimet e saj. Libri i saj autobiografik ‘Të bëhesh”, botuar nëntorin e kaluar, shiti mbi 10 milionë kopje në 6 muajt e parë dhe do të bëhet kujtimi më i shitur në histori.
Michele Obama rrëfen në libër jo vetëm aspekte të ndryshme të jetës së saj, por edhe jep mesazhe të forta. Ajo rrëfen anët e saj si nënë, grua, por edhe si një njeri që ka hasur në shumë sfida përgjatë jetës.
Biletat për datat e turneut të librit që ajo ka planifikuar janë në shitje nga 2.500 dollarë deri në 4,200 dollarë.
