Ingranazhi i mendimeve,
në rrënojat e tërmetit ka ngecur,
ora e historisë,
disa vite mbrapa ka ecur!

Tërmeti i 21 Shtatorit,
qe parathënia e tërmetit tjetër,
dhe për shtetet më të pasur,
dy tërmete do të qenë ca si tepër!

Për kurrizin tonë të brishtë,
tepër e më tepër ata janë,
po tërmetet-përmbytjet-thatësirat,
janë bashkudhëtarët tanë!

Si në çdo fatkeqësi tjetër,
edhe në hatanë e këtij tërmeti,
të gjithë fatkeqët,
i mbajnë sytë nga shteti!

Për të gjitha pasojat fatale,
do bëhet hall pa diskutim,
po humbja e jetëve njerëzore,
është një kob i zi pa çmim!

Kur si nga miliona xhinde,
pa mëshirë u tund e u shkund dheu,
solidariteti i Kombit shqiptar,
si një diell i ndritshëm shkëlqeu!

Si një grusht të vetëm njerëzor,
të gjithëve na bashkoi tërmeti,
shteti nuk është as Rama-as Meta,
ne-populli-jemi shteti!

Dje e kuptuam se nuk jemi vetëm,
gjithë Bota nga ne i ktheu sytë,
një duzinë shtetesh solli grupe shpëtimi,
që natën e zezë e kthyen në ditë!

Po eleminimi i pasojave,
s’është aspak një shaka,
dëmet janë vërtet kolosale,
dhe duhen para-shumë para!

Tani jemi ende të mpirë,
po shumë shpejt narkoza do na dali,
dhe veç fjalës së mirë,
gjithkush patjetër diçka duhet të fali!

Miliarderët shqiptarë,
që e kanë bërë pasurinë me tenderat e shtetit,
duhet të mbajnë barrën kryesore,
për të mundur verbërinë e tërmetit!

Kur mendon se mijëra shqiptarë,
kanë mbetur vetëm me rrobat në trup,
ne që kemi akoma një jetë normale,
para mjerimit të tyre na vjen turp!

12.Fisnik i vërtetë nuk është ai,
që cimbis fare pak pasurinë,
po ai-njeriu i thjeshtë,
që ndan në mes varfërinë!

Sot nuk është ditë për romuze,
për ato do kemi kohë të gjatë,
por borgjezët më kollaj falin shpirtin,
se sa të falin paratë!

Bosët e mëdhenj të ndërtimit,
që mijëra apartamente i kanë stok aty,
një pjesë të tyre mund ta falin,
për ata qindra që mbetën pa shtëpi!

Duke filluar nga Luli Basha,
jo si politikan-por si milionier,
mund të fali Një milionë euro,
si shembull për milionierët e tjerë!

Ka disa deputetë socialistë milionierë,
në pasurinë e deklaruar,
dhe ata mund të ndihmojnë menjëherë,
disa miliona duke dhuruar!

Po flas për ata që kanë pambarim,
prona dhe para të thatë,
të falin për vllezrit në hall jete,
se jeta është e shkurtër e vdekja është e gjatë!

Ne-populli i thjeshtë do të falim,
po s’ngrejnë shumë peshë qindarkat tona,
thamë se dëmet janë vërtetë kolosale,
dhe për t’i mbyllur duhen miliona!

Në këto ditë të zisë së madhe,
helmi mediatik të evitohet,
gjithë vëmendja e shoqërisë,
tek njerëzit e shkatërruar të përqendrohet!

Tërmeti s’bën dallime partiake,
ai të gjithë njëlloj i badërdis,
tani që prioritet janë fatkeqët që s’kanë më asgjë,
të zbuten sulmet kundër qeverisë!

Të vazhdojë solidariteti që shkëlqeu,
që u ngrit mbi tërmetin si mrekulli,
sot u bëj thirrje shqiptarëve,
të mos bashkohen veç në fatkeqësi!

Edhe kësaj radhe do t’ja dalim,
se s’jemi pak po mbi Dhjetë milionë shqiptarë,
besoj të gjithë diçka do të falin,
dhe malet mund t’i shembim kur jemi solidarë!

A.DUKA