Kryesore
Kur quhesh përhapës me qëllim i koronavirusit dhe rastet kur dënohesh me burg
Përhapës të virusit quhen ata persona që janë konfirmuar pozitiv dhe autoritetet u kanë vendosur vetëizolimin, pasi janë asimptomatik apo kanë simptoma të lehta të sëmundjes. Nëse këta persona shkelin urdhrin e dhënë nga autoritetet duke dalë nga izolimi apo duke patur kontakte me persona të tjerë, rrezikojnë të dënohen me gjobë ose burg deri në 8 vite, nëse vënë në rrezik jetën e personit që kanë takuar.
U votuan masat e reja ndëshkuese për të gjithë shkelësit që thyejnë karantinën dhe rregullat e daljes si këmbësor apo si shofer.
Cilat janë ndëshkimet e reja:
-Nëse një qytetar ndaj të cilit është dhënë më parë gjobë dhe përbën kundërvajtje atëherë ndëshkohet me gjobë ose me 6 muaj burg.
-Kur kundërvajtja është kryer në ushtrim të aktivitetit tregtar dhe rrezikon shëndetin e njerëzve ndëshkohet me gjobë ose me 2 vjet burg
-Nëse nuk zbatohet urdhri i detyruar për karantinim dënohet me 2-3 vite burg.
-Përhapja me dashje e sëmundje infektive 2-5 vite burg.
-Përhapja me dashje e sëmundjes infektive, përmes kryerjes së veprimeve, apo mosveprimeve dënohet me burg nga 2 deri në 5 vjet.
-Përhapja nga pakujdesia e sëmundjes infektive dënohet me gjobë ose me burg deri në 2 vite
-Kur përhapja e sëmundjes ka shkaktuar pasoja të rënda për shëndetin, deri në humbje jete, dënohet nga 3 deri në 8 vite burg.
Por kur quhesh përhapës i sëmundjes?
Përhapës të virusit quhen ata persona që janë konfirmuar pozitiv dhe autoritetet u kanë vendosur vetëizolimin, pasi janë asimptomatik apo kanë simptoma të lehta të sëmundjes. Nëse këta persona shkelin urdhrin e dhënë nga autoritetet duke dalë nga izolimi apo duke patur kontakte me persona të tjerë, rrezikojnë të dënohen me gjobë ose burg deri në 8 vite, nëse vënë në rrezik jetën e personit që kanë takuar.
