Kryesore
Ina Zhupa publikon SKEMËN: Ja si i pastron Veliaj paratë e mafias italiane ‘Ndragheta’ në Tiranë
Zëdhënësja e PD-së, Ina Zhupa shkruan se EcoTirana, është kompania që realizon shërbimin e pastrimit të plehrave në Tiranë dhe 49 % e aksioneve të saj i përkasin kompanisë italiane AGMS Holding.Skema6 Qershor, 2020 12:55 Përditësuar: 13:05
TIRANË– Zëdhënësja e PD-së, Ina Zhupa ka publikuar SKEMËN që sipas saj, kryebashkiaku Erioan Veliaj ka pastruar në Shqiëpri paratë e mafias italiane “Ndragheta”.
Ajo shkruan se EcoTirana, është kompania që realizon shërbimin e pastrimit të plehrave në Tiranë dhe 49 % e aksioneve të saj i përkasin kompanisë italiane AGMS Holding.
Sipas Xhupës, një nga përfaqesuesit kryesorë të kompanisë “AGSM Holding ALBANIA” sh.a , Andrea Miglioranzi, akuzohet se ka përdorur kompaninë komunale të Bashkisë së Veronës “Amia Verona”, e cila gjithashtu merret me pastrimin e plehrave, për qarkullimin e parave të pista të organizatës kriminale të Ndraghetës.
“Po ashtu akuzohet edhe miku personal i Veliajt, kryebashkiaku që Veliaj e shpalli modelin per tu ndjekur nga ai vetë në Tirane, Flavio Tosi, për bashkëpunim me Ndragheta për pastrimin e parave nëpërmjet plehrave. Flavio Tosi dhe Erion Veliaj e kanë shfaqur hapur lidhjen e tyre në firmosjen e marreveshjes, në vizitat reciproke ne Verona dhe Tiranë, në mbështetjen e pakushtëzuar që i jepnin njëri tjetrin,”-shkruan ajo. Më pas ajo i bën thirrje SPAK që nisë menjëherë hetimet për pastrimin e parave.
POSTIMI I PLOTË:
Erion Veliaj, ka kthyer Tiranën në lavatriçe të pastrimit të parave të pista përmes ndërtimit të kullave dhe plehrave. Nga hetimet e prokurorisë italiane, tashmë Veliaj rezulton të ketë bërë ortakëri me anëtarë të grupit mafioz “Ndragheta” për pastrim parash në fushën e plehrave.
EcoTirana është kompania që realizon shërbimin e pastrimit të plehrave në Tiranë me ortakë 51 % të aksioneve Veliajn, kryetar i Bashkisë Tiranë dhe 49 % kompaninë italiane AGMS Holding.
Pikërisht një nga përfaqësuesit kryesorë të kompanisë “AGSM Holding ALBANIA” sh.a , Andrea Miglioranzi, akuzohet se ka përdorur kompaninë komunale të bashkisë së Veronës “Amia Verona” të pastrimit të plehrave, për qarkullimin e parave të pista të organizatës Ndragheta.
Po ashtu akuzohet edhe miku personal i Veliajt, kryebashkiaku që Veliaj e shpalli modelin per t’u ndjekur nga ai vetë në Tirane, Flavio Tosi, për bashkëpunim me Ndragheta për pastrimin e parave nëpërmjet plehrave.
Flavio Tosi dhe Erion Veliaj e kanë shfaqur hapur lidhjen e tyre në firmosjen e marrëveshjes, në vizitat reciproke në Verona dhe Tiranë, në mbështetjen e pakushtëzuar që i jepnin njëri tjetrin.
SPAK duhet të hetojë pa humbur kohë Erion Veliajn, lidhjet e tij me organizatën mafioze “Ndragheta” për pastrimin e parave nëpërmjet biznesit të mbetjeve, lidhjet e tij me bosët e drogës për pastrimin e parave nëpërmjet ndërtimit të kullave në Tiranë.