Warren Buffet i atribuon suksesit të tij një rregull të çmuar, që përfaqëson një mësim të rëndësishëm jete.

“Ne nuk kemi arritur kurrë një marrëveshje të mirë me një njeri të keq”.

Këtë mendim ai e ndau në një letër të përvitshme me aksionerët e Berkshire Hathaway. Ky mësim i shkurtër është një kujtesë për këdo që ka gabuar duke bërë biznes me njerëz të dyshimtë.

“Pas shumë gabimesh, kam mësuar të bëj biznes vetëm me njerëz të cilët më pëlqejnë, të cilëve u besoj dhe i admiroj” – ka thënë Buffett.

“Kjo gjë ka kuptim, pasi biznesi ka të bëjë me njerëzit me të cilët bëni biznes. Dhe nevojiten marrëdhënie të cilat të mbështeten mbi ndershmërinë dhe integritetin. Ajo çfarë kam mësuar me kalimin e viteve është se njerëzit ndonjëherë nuk kanë në mendje interesin tuaj. Edhe më shumë sot – kur njerëzit kërkojnë me ngulm komunikim transparent dhe ndershmëri në kohëra të pasigurta”.

Përcaktimi i kufijve të duhur

Për të shmangur gabimin e arritjes së një marrëveshje, që do të kthehet kundër nesh, për shkak të pandershmërisë ose mungesës së besimit te njerëzit, është e nevojshme të zbatojmë disa parametra të rreptë, ndër të cilët:

-Bëni më parë kërkime dhe vlerësoni me kujdes partnerët tuaj potencialë para se të hyni në biznes.

-Bëni kërkime për vendimet e tyre të mëparshme dhe për referenca të besueshme

-Besojini instinktit dhe mos e shpërfillni intuitën tuaj. Nëse keni një ndjesi të keqe për dikë, me siguri keni të drejtë.

-Takojini ata për një darkë ose një kafe për t’i njohur pakëz më mirë. Nëse kjo ndjesi mbetet, hiqni dorë nga marrëveshjet në të ardhmen.

-Përcaktoni që në fillim pritshmëritë që bisedimet të nxisin një diskutim të hapur dhe transparent

-Mësoni t’i komunikoni lajmet e këqija shpejt në vend që t’i zvarrisni ato. Mos pikturoni një pikturë me ngjyra të realitetit kur në të vërtetë lindin probleme.

-Merrni vendime të vetëdijshme, me të dhëna të besueshme

-Mbështetini vendimet tuaja më të rëndësishme mbi integritetin dhe prisni të njëjtën gjë nga partneri juaj potencial. Kur partnerët në biznes marrin vendime të cilat mbështeten tek integriteti, ju shihni karakterin e tyre në një pamje të plotë. Ju nuk e vini në dyshim se kush janë ata apo nëse kanë në mendje interesin tuaj të mirë (pasi ata e bëjnë gjithnjë këtë).

Kuptoni se kur është koha për t’u larguar

Nëse dikush shkel ende besimin tuaj, linja e fundit e mbrojtjes është thjesht të eliminoni hap pas hapi këtë marrëdhënie të padëshirueshme. Shoqërimi me njerëzit e duhur do të kërkojë pashmangshmërisht shkëputjen nga gjithë njerëzit e gabuar.

Buffett e pranon se gjatë rrugës ju do të bëni gabime. Ndonjëherë një rast i artë do t’ju verbojë përballë njerëzve të përfshirë, e megjithatë intuita juaj mund të mos ia dalë t’ju paralajmërojë për karakterin e vërtetë të një individi. Gjithçka që mund të bëni është të mësoni nga këto gabime dhe të ecni përpara.

*Marcel Schwantes, founder and chief human officer
Burimi: INC