Rama dhe kamarjeri

Kryeministri Edi Rama teksa po bënte një vizitë në kantieret e rindërtimit në Thumanë është takuar ‘rastësisht’  me pronarin e një lokali dhe një kamarjer, të cilët i ka pyetur për pagën e luftës.

Teksa zhvillojnë bashkëbisedimin Rama ka pyetur pronarin e lokalit Gjonin dhe kamarjerin Erin nëse i kanë marrë pagat e luftës, duke i thurur kështu elozhe punës së tij.

Pronari dhe kamarjeri janë shprehur të kënaqur dhe se i kanë marrë pagat e luftës që i’u ishin premtuar.

Ndër të tjera në videon e publikuar në ‘Facebook’ kryeministri është shprehur se çereku i shqiptarëve e kanë marrë pagën ndërsa vazhdojnë akoma verifikimet për të tjerët që nuk e kanë marrë.

Momente nga bashkëbisedimi i Ramës me Gjonin dhe Erin:

Rama: Ja këtu kemi ndaluar në Derven pa shkuar në Thumanë dhe sapo u takova me Gjonin, ky është Gjoni, shiheni Gjonin. O Gjon pagat e luftës i morën punëtorët

Gjoni: Po i morëm, të gjithë

Rama: Të vërtetën..

Gjoni: Të gjithë s’ka rrena këtu, se rrena i ka këmbët e shkurtra. Të vërtetat, të gjithë e morën pagën e luftës.

Rama: Po ti e more pagën e luftës. Hajde këtu. Dil këtu dil. Ja ky është Eri. Eri kamarjeri. Ja e more pagën e luftës?

Eri: Po e mora, i mora të treja.

Rama: Të treja i more, të erdhën..

Eri: Po

Rama: Ja rastësisht u takuam këtu. Se jemi duke vizituar kantieret e rindërtimit dhe faktet janë fakte. Janë duke shkuar afër çerek shqiptarë që kanë marrë pagat e luftës. Gjoni është njëri prej tyre ose tre paga ose 400 mijë lekshin. Askush nuk ka mbetur vetëm dhe vazhdojmë bëjmë verifikime për të dhënë pagat. Kokërr leku më kokërr leku.