I ftuar në “Arena” nga Dritan Hila në RTV Ora, kreu PAA-së, Agron Duka tha se Bashës si politikan i vë notën 10. Më tej, ai tha se Basha ka pasur përkrahje dhe nga ndërkombëtarët.

“Mua nuk më pëlqejnë politikanët që çirren dhe shajnë. Për shijet e mia është ky politikan që më duket më politikan i mirë. Nota ime për Bashën është 10. Basha ka dalë, mund t’i thuash dyqanxhi ose biznesmen, por është duke shpalosur programin e tij ekonomik.

Po flet për taksa dhe për ndihmesën në bujqësi. Basha ka pasur edhe një përkrahje nga ndërkombëtarët. Edhe me djegien e mandateve Basha tërhoqi vëmendjen e ndërkombëtarëve që këtu ka një njeri autoritar dhe janë vjedhur zgjedhjet.”-tha Duka.