Lidhu me ne

Kryesore

Ora News/ Pushteti kur nuk të ‘blen’, të dhunon e prangos

Nga Kastriot Islami 

Për shumë vetë duket si një temë shumë delikate dhe jo e lehtë për t’u trajtuar sepse përmes një shou mediatik dhe në mënyrë diabolike po tentohet të krijohet perceptimi se po “bëhet një luftë e ashpër kundër parave të pista dhe pastrimit të tyre…”. Askush nuk është kundër që strukturat e drejtësisë të bëjnë një luftë të pamëshirshme kundër korrupsionit, lidhjeve me krimin e organizuar e trafiqet, kundër trafiqeve dhe pastrimit të parave të pista… Ky ka qenë edhe qëllimi i reformës në drejtësi dhe veçanërisht i ngritjes së strukturave të pavarura politikisht dhe të specializuara për të kryer këtë luftë të vështirë në çdo aspekt… Por mbi të gjitha përmes këtyre institucioneve është synuar të luftohet kapja e shtetit nga pushteti, korrupsioni qeveritar, lidhjet e fuqishme të qeverisë me krimin e trafikun, pastrimi i parave të pista nga ata që drejtojnë vendin dhe kanë në dorë mirëqenien e qytetarëve… Por në këtë rast, e vërteta është ndryshe!

Sigurisht, këtyre strukturave i është përcaktuar si objektiv edhe lufta kundër oligarkisë, pra të lidhjeve të qeverisë dhe Edi Ramës me oligarkinë me politikën, me biznesin klientelist dhe manjatët e medias klienteliste. Më konkretisht të oligarkisë që përbëhet nga individët me rekorde kriminale dhe që më shumicë ndodhen në parlament. Të oligarkisë që pasurohet përmes lejeve të ndërtimit dhe licencave klienteliste qeveritare, përmes PPP-ve, përmes fitimit pa konkurrim të tenderave. Të oligarkisë së lidhur me veprimtari kriminale e trafiqe dhe që po tenton të pastrojë paratë e pista përmes ndërtimit të kullave qiellgërvishtëse. Të oligarkisë që së bashku me politikanët-oligarkë blen vota dhe kërcënon. Të oligarkisë që ka ngritur perandoritë mediatike, në lidhje në ngushtë me politikën dhe që është vënë tërësisht në shërbim të oligarkisë politike që drejton vendin…

Por sulmi mbi RTV Ora dhe RTV Ora News, është kryer pikërisht për të mos realizuar këtë objektiv madhor që e presin të gjithë shqiptarët dhe partnerët… Ky është një rast spekulimi e abuzimi shumë i trashë për inteligjencën e shqiptarëve të ndershëm… Askush nuk e beson si realizim të objektivit madhor. Madje shumica, të ndershëm e të pavarur, e konsiderojnë jo vetëm një veprim diabolik të Ramës e të qeverisë së tij, por edhe si diskreditim edhe të SPAK e të strukturave të reja të drejtësisë së reformuar… Ka një shpresë që ky diskreditim të shërbejë për t’i mirëorientuar strukturat e reja drejt objektivit madhor, përndryshe zhgënjimi do të ishte i madh dhe përfundimi katastrofik për “dështimin e reformës” që askush nuk e dëshiron.

Rasti i sulmit mbi medien ORA ka nxjerrë në dritë të diellit shumë dukuri që deri më sot mendoheshin:

-Qeveria dhe Rama duke qenë në grahmat e fundit keqpërdorin strukturat e drejtësisë, të çoroditur, symbyllur dhe në panikun e humbjes së pushtetit, të frikës nga ndëshkimi e sekuestrimi i të gjithë pasurive të paligjshme…

-Sulmi rezulton politik e selektiv, sepse një veprim i tillë nuk është ndërmarrë kundër asnjë rasti të korrupsionit qeveritar apo zgjedhor apo kundër aferave të oligarkëve që po vjedhin çdo ditë shqiptarët.

-Sulmi politik e selektiv është kryer vetëm kundër një media që nuk ka pranuar të bëhet pjesë e klientelës së oligarkisë së Rilindjes, kaq mjafton për të zhvlerësuar të gjithë shoun mediatik.

-Veprimet ndaj pronarit të kësaj media (që duhen ndjekur në rrugë gjyqësore, ndoshta deri në Strasburg) u shoqëruan qëllimisht me terror e presion ndaj punonjësve të medias… sepse veprimet e tmerrshme me përdorim të forcave speciale dhe të policëve të armatosur deri në dhëmbë drejtoheshin kundër gazetarëve dhe drejtuesve të emisioneve investigative që kanë bërë beteja heronjsh kundër aferave korruptive të qeverisë.

-Shqipëria nuk është një shtet ligjor dhe për më tepër të gjithë s’janë të barabartë para ligjit… Ose thënë ndryshe, ligji në Shqipëri s’vepron për të gjithë njëlloj, pra oligarkët dhe miqtë e tyre janë të paprekshëm, kurse kush nuk pranon të rreshtohet me këtë klientelë, jo vetëm është i destinuar të humbasë gjithçka, por edhe mund të prangoset. Dhe këtë rregull diabolik e përcakton qeveria ose një individ.

-SPAK tregoi edhe njëherë se është nën diktatin e një individi sepse nuk i ka trajtuar mediat me të njëjtin kut.

-SPAK, në mënyrë indirekte provoi opinionin që po bëhet dominues se drejtësia në Shqipëri është e varur politikisht dhe vepron me urdhrin politik të një individi. 
-Ky sulm politik është thjesht hakmarrje e pastër e direkte e Qeverise dhe e Bashkisë së Tiranes ndaj medias së papërkulur nga presioni qeveritar, që kur s’pranon të rreshtohet me qeverinë atëherë prangoset…

-Dhe së fundmi, shqiptarët duhet të dinë se edhe ky sulm politik i urdhëruar nga një individ në panik e çoroditje do të përfundojë si “rasti Becchetti” dhe do të duhet që shqiptarët të paguajnë nga taksat e tyre marrëzitë e një individi që ka marrë peng vendin dhe që është gati të hedhë në erë gjithçka për pushtetin e tij personal…

Vazhdo leximin

MË TEPËR

Radar14 orë më herët

Ajri në Tiranë është më shumë helm se oksigjen, duhet të jesh i zhytur në krim që të mos marrësh masa

Nga Ervin Goci Sot, ajri dukshem ne Tirane eshte me shume helm se oksigjen. Sot do duhej qe te mblidheshin...

Kryesore22 orë më herët

Uria në Gaza, një krim lufte

Komisioneri i Lartë i OKB-së për të Drejtat e Njeriut, Volker Türk, thotë në një intervistë për BBC se Izraeli mban përgjegjësi...

Mix22 orë më herët

Eskortat e huaja “pushtojnë” Tiranën, Lekatari denoncon rastin në pallatin e saj

Në një kohë kur në Tiranë po diskutohet shumë lidhur me kthimin e kryeqytetit në një “parajsë” të eskortave të...

Letersi1 ditë më herët

‘Marshi i UÇK’-së, interpretim rrëqethës nga Arif Vladi

“Marshi i UÇK” -së është një ndër këngët më të njohura dhe më të dashura të cilën e ka sjell...

Letersi1 ditë më herët

Poezi për atdheun “Mëmëdhe quhet toka, ku më ka rënë koka…”

Poezi nga Andon Zako Qajupi Mëmëdhe quhetë tokaku më ka rënurë koka,ku kam dashur mëm’e atë,ku më njeh dhe gur’...

Mix1 ditë më herët

Cilësia e lëkurës nis nga ushqimi, kjo është dieta kundër plakjes

Pavarësisht cilësisë së një kremi, ndërhyrjeve apo përparimit të teknologjisë për të përmirësuar pamjen e jashtme, ajo çfarë do të...

Mix1 ditë më herët

Pasuria marramendëse e Selena Gomez, nuk do ta besoni sa fiton për një postim në Instagram

Selena Gomez është një ndër këngëtaret më të pasura të momentit. Me një vlerë neto të raportuar prej 800 milionë...

Kioske1 ditë më herët

Kartolinat e paguara nga Tirana

Nga Andi Bushati Sjellja në shqip e një artikulli të përkthyer të revistës lifestyle italiane Vanity Fair, shkaktoi një polemikë të...

Radar2 ditë më herët

“Noc Rroku” strategjik per qytetaret

Klodian Tomorri Qeveria shpalli sot fazen e dyte te tenderin per ndertimin e ujesjellesit Draleos Drimadhes, i cili do te...

Mix2 ditë më herët

Publikohet traileri i pjesës së katërt të “Bad Boys Ride or Die”

Will Smith dhe Martin Lawrence kthehen në rrënjët e tyre në pamjen e parë për pjesën e katërt të ekskluzivitetit ...

Facebook