Ish-kryeministri Sali Berisha ka folur për vrasjen e Azem Hajdarit në emisionin “Opinion”. Berisha i mëshoi faktit se ai u vra me urdhër nga lart dhe se Haklajt ishin zbatues të urdhrit.

“Ne e kemi ndjekur grupin dhe nga Kamza në Tropojë nuk kishte asnjë postbllok policie të ndalte vrasësit. Madje i kanë nderuar. Atë e vrau shteti. Edhe Fatos Klosi kishte dijeni dhe ishte një nga organizatorët. Janë përpjekur ta trajtojnë si një sherrnajë, por në fakt familja e tij në këto vite ajo nuk ka pasur asnjë konflikt me Haklajt.

A më kishte thënë? Sigurisht. Shteti donte ta vriste nëpërmjet këtyre. S’kishte asnjë sherr me këta. Ai shkoi në Tropojë dhe i dhanë 140 plumba të cilët erdhën nga dega e brendshme. Ai shpëtoi dhe Bardhyl Pollo u plagos.

Unë i kam thënë: “Azem. Këta janë në zbatim të një porosie. Mirë është që të zhdukesh 6 muaj diku meqë me rregullin e vjetër ka 2 mënyra. O të fshihesh o të qëndrosh dhe tu biesh”. Kjo e dyta nuk ishte rruga jonë. Ata i kishin dalë edhe afër shtëpisë. Ata ishin shteti” – tha Berisha.

“Në pritë e nxori Fatos Klosi. Një person, militant i Partisë Demokratike më erdhi në zyrë dhe më tha “unë e vrava Azemin”. I thashë s’ka mundësi. Më tha se e kishin marrë në telefon dhe i kishin thënë që ishte një makinë para PD dhe që duhet të dilte Azemi.

Ai mund të nxirrte badiguardët dhe ishte një pakujdesi. Ishte një vlerësim i gabuar i situatës që doli jashtë. A kishte bashkëpunim nga brenda PD? Absolutisht jo. Nuk besoj që e nxorën nga selia të afërm të Azemit. Telefonin ia morën vrasësit” – tha Berisha.