Lidhu me ne

Temporal

Pushteti për njerëzit dhe jo njerëzit për pushtetin

Pushteti për njerëzit dhe jo njerëzit për pushtetin

Në përpjekjen për të rivendosur raporte të reja dhe të pavulgarizuara nga historia jonë mbytëse me slogane të pavlefshme për ne është koha të fillojmë për të diskutuar dhe menduar mbi udhëheqjen dinjitoze në vend dhe udhëheqjen e respektuar në skenën rajonale.

Politika e brendshme dhe ajo jashtë vendit janë thellësisht të lidhura. Pikërisht koha duhet të na vërë në një diskutim mbarëpopullor për të diskutuar dhe vepruar me reagime të gjithsecilit për të rinovuar demokracinë dhe prioritetet tona, për të mbrojtur të ardhmen tonë ekonomike, për të adresuar sfidat më urgjente që naivisht i lëmë në vendimarrjen e udhëheqësve që kanë konsumuar karizmën e tyre përtej ambientit ku jetojnë.

Në një stad të ri të fillimvitit 2021 ne duhet, që të udhëhiqemi nga shembulli dhe jeta jonë personale në funksion të vendit dhe jo nga pushteti që krijon shembuj jashtë të përditshmes për të na tërhequr vëmendjen nga fuqia e shembullit tonë personal.

Për të përmbushur sfidat tona të përbashkëta (me të cilat askush nuk mund të përballet i vetëm dhe për vete), duke filluar nga kërkesat për nevojat e përditshme për edukim cilësor dhe shërbim shëndetësor e deri te ato shpirtërore, duhet ti vlerësojmë me shembullin e pushtetit për njerëzit dhe jo të njerëzve për pushtet. Nevojitet të fillojmë ti kërkojmë brenda perimetrit që na rrethon për respektimin e parimeve themelore demokratike.

Demokracia është pema që prodhon ende pak vlera brenda shoqërisë sonë.

Demokracia ende nuk është kthyer në burimin e fuqisë dhe ripërtëritjes sonë si shoqëri dhe popull. Me këtë bindje natyrisht që nuk mundet të zgjerohet dhe do të zgjasë edhe më tej forcimi dhe amplifikimi i lidershipit tonë për të na mbajtur të sigurt dhe të bindur në vlerat që zotërojmë. Në fakt nuk mjafton vetëm motori i zgjuarsisë sonë që të arrihet prosperiteti ekonomik. Kjo është padyshim vlerë shumë e madhe. Por, në përballjen se kush jemi, si e shohim botën ne dhe si na sheh neve bota është ende një aftësi e pazotëruar në grup për të qenë një forcë për përparimin e vendit dhe për të mobilizuar veprime kolektive për të mirën e përbashkët.

Drejtuesit shqiptarë duhet të marrin shembull nga ajo që tha Biden para pak ditësh, por edhe Klinton e të tjerë. Udhëheqësit duhet të drejtojnë jo vetëm me shembullin e fuqisë së lidershipit, por më së shumti me fuqinë e shembullit.

Nëse secili nga drejtuesit që do të vijnë do të vendosin si garanci jetën e tyre për këtë vend, neve mund të themi se kemi fituar shansin për të jetuar një jetë të sigurt, të shëndetshme dhe produktive.

Ata, drejtuesit e vendit duhet të sillen ashtu si janë, pra me fuqinë e shembullit nga jeta e tyre dhe e familjes politike e përditshme, pa na kërkuar të na imponojnë përditë pranimin e shembujve sesa të fuqishëm janë dhe sa shumë pushtet kanë në dorë. Fatkeqësisht deri më sot ka diktuar pikërisht demonstrimi i shembullit të fuqisë së pushtetit, pa na llogaritur si individë me shembujt tanë që përbëjnë shembullin e pushtetit.

Vendi dhe jeta jonë nuk organizohen dot vetë. Braktisja e vlerave tona më të thella morale dhe tradicionale nuk bën asnjë vlerë të shtuar në drejtim të rritjes së sigurisë për të tashmen dhe garantimit të të ardhmes.

Drejtuesit tanë, nëse mbështeten nga qëllime të qarta dhe strategji të shëndosha do të kthehen në të nevojshëm për të adresuar në mënyrë efektive sfidat përcaktuese të kohës sonë. Në mënyrë që të na udhëheqin përsëri, ata duhet të rivendosin kredibilitetin dhe ndikimin moral te votuesit e tyre. Nga dita e parë e deri në ditën e fundit të qeverisjes, ata duhet përsëri të na japin arsye të forta për t’i besuar dhe respektuar fjalës së tyre.

Forca në rritje e fuqisë autokratike anembanë dhe përpjekjet për të përçarë dhe manipuluar demokracinë tashmë janë kërcënime unike për kohën tonë, përfshirë kërcënimin e ripërtërirë të ngjalljes së nacionalizmave, migrimin masiv, ndikimin përçarës të teknologjive të reja dhe ndryshimin e mentaliteteve të brezave.

Përdorimi i gjuhës së forcës dhe konfliktit ndërpartiak duhet të jetë fjala e fundit dhe jo e para në respekt të mbrojtjes së interesave tona jetësore.

Qëndrimi i ngulitur në konflikte të padëshirueshme për asnjë nga ne votuesit e boshatis aftësinë tonë për të besuar dhe për tu interesuar për çështje të tjera që kërkojnë vëmendjen tonë, dhe kjo na ndalon të rindërtojmë instrumentet e tjerë të fuqisë së shembujve të një jetese demokratike.

Ndryshe nga gjithë këto vite, ku udhëheësit tanë kanë minuar sistematikisht nocionet e demokracisë liberale dhe rregullat themelore të shtetit të së drejtës, ne duhet të sigurohemi që të mos i dëgjojmë më nëse vijojnë në këtë qasje, ku edhe pse ne u flasim dhe u kërkojmë sqarime, ata dëgjojnë vetëm veten gjatë gjithë kohës duke kufizuar mundësinë e kontrollit të fakteve në kohë reale.

Ndërsa mbështeten në fuqinë e propagandës së tyre ne duhet të mbështetemi në fuqinë e shkencës, integritetit dhe fakteve duke propaganduar të vërtetën përballë gënjeshtrave.

E vërteta e parë është se ende qeveritë tona nuk na shërbejnë përmes shembujve të të vërtetës dhe shpresës për të ardhme më të mirë.

Publikuar nga Altax.

Adresa juaj e emailit nuk

Vazhdo leximin

Me teper

Kryesore4 orë më herët

“Kukulla e kunatit dhe pengu i Ramës”/ Jozefina Topalli i nxjerr bojën Bashës

Ish-kryeparlamentarja Jozefina Topalli , ishte e ftuar në Klan news ku është shprehur për Bashën se është kukulla e kunatit...

Radar5 orë më herët

Elhaida Dani: Nuk më lanë të hyja në Itali se nuk kisha lekë

Këngëtarja e njohur Elhaida Dani ishte pjesë e “Ftesë në 5”, nga ku zbuloi për herë të parë detaje nga...

Radar5 orë më herët

Zv/kryeministri Ahmetaj tallet me Erjon Braçen: Zyrën ma la të pastër!

Zv/kryeministri Arben Ahmetaj në daljen e parë televizive, ka folur për detyrën e re dhe se çfarë pritshmëri ka për...

Aktualitet5 orë më herët

Rritja e çmimit të bukës, Ahmetaj: Është i përballueshëm

Zëvendëskryeministri Arben Ahmetaj mendon se rritja e çmimit të bukës është i përballueshëm për qytetarët shqiptarë. Sipas tij rritja është...

Stil5 orë më herët

Vishej me të gjëra që mos ta “objektivizonin”, tani Billie Eilish akuzohet se tenton të duket ‘sexy’

Këngëtarja e njohur Billie Eilish është veshur gjithmonë me të gjëra dhe madje në një intervistë dis akohë më parë...

Kioske5 orë më herët

Luli ka kry punë

Nga Ylli Manjani Ato pak anëtarë forumesh në PD, nëse duan të jenë të sinqertë me veten, duhet të pranojnë...

Stil5 orë më herët

Përse Britney Spears është kundra transmetimit të dokumentarit të saj?

Page Six bën me dije se Britney Spears nuk e mbështet dokumentarin e ri të Netflix, “Britney vs Spears”. “Ky...

Radar5 orë më herët

83% e votuesve të PS mendojnë se qeverisja është shumë e korruptuar

Korrupsioni në qeverisje është një pikë ku bashkohen shumica e qytetarëve shqiptarë pasi pavarësisht preferencave politike, mendojnë se shteti është...

Radar5 orë më herët

Vdekja e Ilia Karelit | Gazetari Shpetim Zinxhiria zbulon të vërtetën

Gazetari Shpetim Zinxhiria: Mashtron gazeta “ProtoThema” për denimin e gardianëve, por ne realitet asnjë nuk është dënuar.Vdekja e Ilia Karelit,...

Radar5 orë më herët

Rama fotot me “babën” e tij, George Soros. Mungon Basha…

Kryeministri Edi Rama gjatë vizitës së tij në SHBA, ku edhe ka marrë pjesë në Asamblenë e 76-të të OKB-së,...

Facebook