Lidhu me ne

Kritike

Të velur nga Veliaj!

Nga Edmond Tupja

“Fjalori i gjuhës shqipe” ( Tiranë, 2006) na mëson me një saktësi serioze të paqortueshme se folja “vel”, përveç kuptimit “ia pres dikujt dëshirën për të ngrënë duke i dhënë ushqime me shumë yndyrë ose shumë të ëmbla”, ka edhe kuptimin e figurshëm “e mërzit tepër dikë; i ngjall neveri: na veli me fjalë”.

Kjo ishte loja/ Erion Veliaj mashtroi, Tirana nuk do ketë 24 orë ujë as për  10 vite; BERZH-BB-KFV, nuk e miratuan kredinë | BoldNews.al

Rrjedhimisht, nën dritën e sinqertë të këtij përkufizimit të figurshëm, gjithnjë e më të shumtë janë miqtë e mi jo vetëm kryeqytetas, por edhe prej qyteteve të tjera të vendit tonë të vrerosur nga qeverisja ma(v)risocialiste e kryeministrit me emrin Edi Rama, të cilët janë haptas ose gjysmë haptas, ose edhe heshtazi kundër bëmave bombastike të kryebashkiakut me emrin Erion Veliaj, në veçanti kundër betonimit të pamëshirshëm të Tiranës si në rrafshin horizontal, ashtu edhe në atë vertikal.

Sot do të quhej gënjeshtar ose mashtrues i përmasave monumentale ai ose ajo që do të thoshte, për shembull, “Oh, më ra celulari përdhe / përtokë” sepse, dhe apo tokë, rrugëve e shesheve të Tiranës, ka përherë e më pak ku  kalimtari ose kalimtarja në fjalë mund të vërë këmbën, aty, pra, ka përherë e më shumë beton, pllaka guri ose asfalt, kështu që atij ose asaj do t’i duhej, për të qenë i / e saktë, të thoshte: “Oh, më ra celulari përbeton / përasfalt!”; nga ana tjetër, kullat prej betoni, por të stolisura me metal apo me qelq mashtrues, po na e pakësojnë sa vjen e më shumë sasinë e oksigjenit, ashtu siç do të ndodhte në një dhomë gjumi të mbushur deng me mobilie që të pengojnë madje të hapësh dy kanatat e dritares, ndoshta të pengojnë ta hapësh krejtësisht edhe derën.

Erion Veliaj 🚴‍♂️🌳⚽️🇦🇱 (@erionveliaj) | Twitter

Këtij konteksti tronditës i duhet shtuar detyrimisht edhe cilësia e ajrit që thithim, të cilin na e bëjnë bujarisht dhuratë veturat, autobusët e motoçikletat, ajër ky që po rezulton përherë e më shumë i ndotur nga dioksidi i karbonit; këtij konteksti tronditës i duhet shtuar gjithashtu pashmangësisht edhe cilësia fort e dyshimtë e ujit të pishëm që vjen nga Bovilla, e cila, jo për fajin e saj, shtyn e pështyn një ujë të papastër deri te rubinetat e shtëpive të tiranasve të vjetër e të rinj.

Këto ditët e fundit, dëgjuam se Erion Veliaj, ky ambientalist e ekologjist tejet i lavdishëm (me “d” dhe aspak me ndonjë germë tjetër), që drejton Orkestrën Filarmonike të Betonit Ngadhënjimtar, do të mbjellë në Farkë, pra në rrethinat e afërta të kryeqytetit, një mijë rrënjë pemë me qëllimin e lartë, synimin e gjerë edhe objektivin e gjatë për të ndikuar fuqishëm (mos e lini të avullojë rrokjen e parë të kësaj fjale!) në pastrimin e ajrit të Tiranës që rëndon e rënkon nga ndotja. Por, sidoqoftë, qarkullojnë zëra se këto pemë do të mbillen sidomos për të pastruar ajrin e vilave të bosave pasunarë pikërisht në zonën e Farkës, sepse deri në kryeqytet oksigjeni i tyre do të tretej si kripa në ujë!

Zbulohet gënjeshtra/ Erion Veliaj solli nga Viena “trofeun” që nuk ekziston  – Lapsi.al

Përveç kësaj, për t’u përgëzuar kombëtarisht e ndërkombëtarisht është bashkia e Durrësit, që ka shpallur një tendër tundues për zbukurimin e qytetit me lule shumëngjyrëshe, falë aromave të të cilave do të mund të përfitojnë edhe hundët e mushkëritë e tiranasve të gjorë të tejveluar nga Veliaj, veçse me kusht që bashkia e Tiranës të bëjë një marrëveshje apo të lidhë një kontratë me detin Adriatik në mënyrë që ky t’i drejtojë erërat e tij drejt lindjes, d.m.th. drejt Tirana, përndryshe nga aromat e luleve durrësake do të përfitonin kryesisht banorët e bregut lindor të Italisë (ndoshta edhe ndonjë arbëresh aty-këtu); gjithsesi, do të duhet që kryeministri shqiptar me emrin Edi Rama të bisedojë automatikisht e aromatikisht me homologun e tij italian Conte lidhur me mundësinë e një koncesioni apo PPP-je në interes të të dy mafieve (oh, më falni) të të dy vendeve tona.

Së fundi, por jo më së paku, syvelur deri në neveri nga betoni veliajan, mushkërifryrë si tullumbace helmuese deri në neveri nga gazrat veliajane të makinave, veshëkumbues nga kori veliajan i zhurmave zhangëlluese të vinçave e të betonierave, pa llogaritur shijen e helmët që u kanë lënë shpronësimet veliajane aq të padrejta apo të pabesa, pa llogaritur zhdukjen e monumenteve historike të Tiranës, siç është mjerisht rasti i shembjes së Teatrit Kombëtar (të cilën Kryebosi i Madh Rama ia la kopilisht në derë kryebosit të vogël Veliaj) apo rasti i dramës që po luhet në kurriz të Kullës së Sahatit, tiranasit e vjetër e të rinj do ta kenë kuptuar më në fund se sa i vlen lëkura kryebashkiakut me emrin Erion Veliaj dhe, për pasojë të drejtpërdrejtë apo të tërthortë, nuk do të mund të ushqejnë as më të voglin iluzion lidhur me figurën e tij pandreqshmërisht zhgënjyese./Panorama/

Erion Veliaj confesses like never before, tells who gave him his name and  the reasons why he debates with Ajola: He is upset about ... - Politike

Vazhdo leximin

Me teper

Kryesore3 orë më herët

“Kukulla e kunatit dhe pengu i Ramës”/ Jozefina Topalli i nxjerr bojën Bashës

Ish-kryeparlamentarja Jozefina Topalli , ishte e ftuar në Klan news ku është shprehur për Bashën se është kukulla e kunatit...

Radar3 orë më herët

Elhaida Dani: Nuk më lanë të hyja në Itali se nuk kisha lekë

Këngëtarja e njohur Elhaida Dani ishte pjesë e “Ftesë në 5”, nga ku zbuloi për herë të parë detaje nga...

Radar3 orë më herët

Zv/kryeministri Ahmetaj tallet me Erjon Braçen: Zyrën ma la të pastër!

Zv/kryeministri Arben Ahmetaj në daljen e parë televizive, ka folur për detyrën e re dhe se çfarë pritshmëri ka për...

Aktualitet3 orë më herët

Rritja e çmimit të bukës, Ahmetaj: Është i përballueshëm

Zëvendëskryeministri Arben Ahmetaj mendon se rritja e çmimit të bukës është i përballueshëm për qytetarët shqiptarë. Sipas tij rritja është...

Stil4 orë më herët

Vishej me të gjëra që mos ta “objektivizonin”, tani Billie Eilish akuzohet se tenton të duket ‘sexy’

Këngëtarja e njohur Billie Eilish është veshur gjithmonë me të gjëra dhe madje në një intervistë dis akohë më parë...

Kioske4 orë më herët

Luli ka kry punë

Nga Ylli Manjani Ato pak anëtarë forumesh në PD, nëse duan të jenë të sinqertë me veten, duhet të pranojnë...

Stil4 orë më herët

Përse Britney Spears është kundra transmetimit të dokumentarit të saj?

Page Six bën me dije se Britney Spears nuk e mbështet dokumentarin e ri të Netflix, “Britney vs Spears”. “Ky...

Radar4 orë më herët

83% e votuesve të PS mendojnë se qeverisja është shumë e korruptuar

Korrupsioni në qeverisje është një pikë ku bashkohen shumica e qytetarëve shqiptarë pasi pavarësisht preferencave politike, mendojnë se shteti është...

Radar4 orë më herët

Vdekja e Ilia Karelit | Gazetari Shpetim Zinxhiria zbulon të vërtetën

Gazetari Shpetim Zinxhiria: Mashtron gazeta “ProtoThema” për denimin e gardianëve, por ne realitet asnjë nuk është dënuar.Vdekja e Ilia Karelit,...

Radar4 orë më herët

Rama fotot me “babën” e tij, George Soros. Mungon Basha…

Kryeministri Edi Rama gjatë vizitës së tij në SHBA, ku edhe ka marrë pjesë në Asamblenë e 76-të të OKB-së,...

Facebook