Protestat për vrasjen e 25-vjeçarit Klodian Rasha nga një oficer i policisë. kane pasur përleshje mes protestuesve dhe policisë.

Në mbrëmje, protestuesit i kanë vënë flakën dy pemëve dekoruese të festave të fundviti, asaj në shesh dhe para Kryeministrisë. Lidhur me këtë ngjarje kanë reaguar shumë qytetarë dhe artistë të cilët kanë shprehur pakënaqësinë e tyre lidhur me djegien e pemëve dekoruese.

Në një sondazh që kemi realizuar në Instagram, shqiptarët që kanë kthyer përgjigje shprehen se një pemë nuk është asnjë gjë para jetës së njeriut dhe se nuk mund të festojmë kur një i pafajshëm është vrarë, duhet të mbajmë zi.

Ndërkohë për një deklaratë të Jonida Maliqit e cila e ka konsideruar dhunën në protestë jo si zgjedhje por si injorancë, shqiptarët janë shprehur se është absurde pasi artistët sensibilizohen për protestat në Shtetet e Bashkuara të Amerikës por jo me shqiptarët.

Në sondazhin që zhvilloi Politiko në Insastory, 72% janë përgjigjur se e justifikojnë dhunën në protestë dhe 76% e tyre mendojnë se djegia e pemëve dekoruese ishte një vendim i drejtë nga ana e tyre. E ndërsa 59% prej tyre janë përgjigjur me “Po” që do marrin pjesë në protestë.

Fotot nga protesta: Florion Goga/ Reuters