Nga Ledian Droboniku

Ajo nuk shpreh vetëm padurim, por injorancë dhe arrogancë.
Shpesh herë njerëzit shohin efektet por jo shkaqet. Si ai i sëmuri që ndjen se i dhëmb barku, por jo sepse i dhëmb ai. Jeni i sigurtë se ai ka kuptuar problemin e shërohet pa doktor sepse barku ka qindra mekanizma brenda.

Sokrati mësonte se të të kuptuarit e problemit ka brenda dhe zgjidhjen. Nëse kupton shkaqet e vërteta të problemit, mjafton ti luftosh ato.

Duke iu kthyer rastit të pacientit Shqipëri, shumica shohin problemet sepse vuajnë efektet si: varfëria, papunësia, padrejtësia, shëndetësia, por pak kuptojnë shkaqet e vërteta e më pak akoma Zgjidhjen.

Injoranca totale ekonomike, bën që të mendojnë se varfëria e papunësia është natyrore ose për shkak të korrupsionit, ose sepse njerëzit nuk duan të punojnë. Pak kuptojnë që kjo është rrjedhojë jo e devijimit por zbatimit rigoroz të neoliberizmit dhe neo-kolonizimit. Një sistem ku 1% oligarkik bllokon shtetin dhe ekonominë, pavarsisht se ka qindra flamuj, parti, ojf e media.

Injoranca politike, bën të mendojnë se zgjidhja është vota, partia, ambasadori e çdo lloj liderrri nga lart. Mjafton që të dele/gojnë pushtet e të presin si konsumatorë se çfarë do prodhojë politika. Pak kuptojnë e akoma më pak duan Demokracinë autentike. Ai sistem që lejon pjesëmarrjen dhe vendimmarrjen e qytetarëve në politikat publike.

Demokracia kërkon shpenzim energjie për çështjet publike ashtu si ato private. Pa u lodhur për të parat nuk garanton dot të dytat, sepse garant për popullin është vetëm populli.

Por individualizmi ekstrem pamundëson çdo lloj beteje kolektive. Ja pse “të kuptuarit” është proçes që kërkon guxim për ndryshim.

Të fshihesh pas shprehjeve kaps si kjo në foto, nuk çliron vërtet jetën tënde.