Lidhu me ne

Kritike

Rama nuk ka bilanc, nis fushtën “një vaksinë një votë”

Nga Avni Nezaj

Projekti i frikshëm i rilindjes “një vaksinë, një votë” duket se po merr udhë. Ishte paralajmëruar nën zë nga shkrues të ndryshëm në rrjetet sociale por tani kjo është pjesë e realitetit elektoral shqiptar.
Rama e ka përqendruar fushatën e tij për zgjedhjet e 25 Prillit vetëm tek vaksina. Nuk ka asnjë bilanc për të prezantuar. Premtime nuk ka gjithashtu sepse ato që beri në 2013, i përsëriti më 2017 dhe njerëzit e kanë tani parasysh të gjithë programin e tij bashkë me premtimet që u bënë dhe kurrë nuk u realizuan. Duket që kur flet, sikur u thotë dëgjuesëve të tij, e mbani mend jua thashë edhe me 2013 më 2017 e ndonjëherë edhe gjatë fushatës për “lokalet”. Aeroportet do bëhen, rrugët po ashtu, ujin e pijshëm po se po. Ndërsa me punësimin mbaruam, se i përzumë të gjithë të papunët e ata tashmë nuk janë me në Shqipëri etj etj….Biles duke i përzënë nga Shqipëria edhe i integruam në BE duket sikur thotë…. Ndërsa këta që kanë ngelur këtu do integrohen në Europë por duke i rënë nga Kina. Ky është bilanci tragjik i 8 vjetëve qeverisje nga papërgjegjshmëria. Aq i pafajshëm duket sa duhet të mëshirohet, ti qahet halli i madh, se është këputur duke punuar.
Tani i ka dalë në shteg një problem tjetër që shqiptarët i shqetëson dhe ai u rri si çekan te koka duke u munduar t’u thotë, pa skuqje fytyre, se unë jam zgjidhja.
E keni vënë re se Edi Rama me gjithë dështimet marramendëse në 8 vjet qeverisje ka një farë qetësie të pakuptueshme që herë ngjan si një qetësi e të sëmurit nga qafa e lart kur merr atë ilaçin për tu qetësuar, e herë ngjan si strateg në propagndë për të thenë atë çfarë duan të dëgjojnë, për të rimashtruar sa më mirë dhe për të ribindur në fakt ata që nuk ka shumë vështirësi për tu “nënshtruar”. Dhe këta të bindur pa shumë veshtirësi t’u bëhën si miza e kalit atyre që janë në dileme për votën e tyre. E pastaj të dy këto lloje votuesish, “Të Nënshtruarit” dhe “Mizat e Kalit” të nxiten që ti nxijnë jetën atij që nuk e ka as në mendje ti japë votën Edi Ramës dhe partisë së tij. Edhe nëse sjell vaksina nga Kina e Rusia pa kurrfarë garancie nga BE dhe SHBA, por edhe po të zbulojë vetë ilaçin kundër koronavirusit. Dhe këta janë shumica me siguri.
Edi Rama harron me vetëdije se eshte në atë post për t’u shërbyer shqiptarëve e jo për ti mashtruar ditë për ditë.
Eshtë i vetmi kryetar qeverie në botë që sa herë vijnë doza vaksinash me avionë ai gjendet në Aeroport. Edhe një herë që ishte në Bruksel desh u shty sjellja e dozave sepse ai duhet të ishte aty me kamera, aparate e me ndriçim që shqiptarët të marrin racionin e përditshëm të propagandës. U tha se do të kthehej nga Brukseli e në të njëjten kohë u nisën edhe vaksinat që të takoheshin me Ramën në Rinas. Biles gojët e liga thonë se ka nisur një fakultet mjekësie me korrespondencë që ta ketë si justifikimin për leksionet e gjata që mban sa here vijnë doza vaksinash.
E ka kthyer shtetin në privat, që i shërben vëtëm mashtrimeve të tij herë në 3D e herë ballë për ballë. I shërben vetëm shfajësimeve të tij që nuk ka pikë turpi ti përsërisë duke gjetur fajtorë për dështimet anekënd botës, vetem tek ai dhe rrethi i tij të mos ngelet asnjë shenjë fajësie. Në fakt ai dhe ata rreth tij janë dështimi vetë.
Pandemia po bën kërdinë, ky thotë në verë do dalim nga kriza. Ky nuk është lajm. Më mijëra njerëz të “burgosur” në shtëpitë e tyre pa asnjë lloj kujdesi shtetëror po përballen tashmë me varfërinë sepse edhe ato pak lekë që kishin vënë mënjanë u harxhuan për ilaçe për të luftuar virusin që rrezikonte jetët e tyre.
Po përdor politikisht, gjerësisht një fushatë vaksinimi pandemik, dhe nje fushatë rindërtmi pas termetit për të vjelur vota. Po luan me hallin dhe me vuajtjet e shqiptarve për të nxjerrë veten si “shpëtimitari” duke harruar ditë për ditë e natë për natë se është kreu i qeverisë dhe ka për detyrë tu përgjigjet shqiptarve.
8 vjet qeverisje e dështuar pa asnjë bilanc duket se e shqetësojnë shumë kreun e Rilindjes. Sondazhet e japin ne pikjatë mbështetjen për të dhe qeverinë e tij. Sjellja e tij të krijon përshtypjen se është gëzuar që ra termet e kishte pasoja. Duket qe fërkon duart që u përhap Covid -19, që të ketë mundësi t’u thotë diçka shqiptareve për tu dukur sikur po bën ndonjë “Send”.
Fushata e shpifur një vaksinë një votë e iniciuar nga Rilindja po i bashkohet asaj një votë një thes miell, një votë për disa euro, një votë familjare për një vend pune. Apo listat me nga 20 vota të sigurta që u imponohen nënpunësve të administrates. Keto strategji të përdorura edhe në zgjedhjet e kaluara nga Rilindja.
Kjo është kriminale dhe duhet të dënohet, jo vetëm nga opozita por edhe nga faktorë që syrvejojnë demokracinë e përdhunuar nga rilindja në Shqipëri.

Vazhdo leximin

Me teper

Kioske2 ditë më herët

Letrat e ndaluara të komunizmit: “Punojmë për të ngrënë një copë bukë misri”

Letrat e dhimbjes së shqiptarëve në regjimin komunist të cilat u ndaluan nga Sigurimi i Shtetit për të shkuar në...

Temporal2 ditë më herët

Investigimi/ Rilindja po shpenzon për propagandë me faqet anonime në Facebook

Fushata zgjedhore në Shqipëri ka trokitur prej ditësh dhe ndërsa i afrohemi 25 prillit, motorët e partive kryesore në vend...

Radar2 ditë më herët

Eni Çobani tregon emocionin e puthjes së parë: Edhe sot e vizitojmë shpesh atë vend

Sa herë ndodh të jetë e ftuar në “Rudina”, Eni Çobani gjithmonë ndan me publikun, përveç profesionit, edhe sekrete e...

Aktualitet2 ditë më herët

Dashamir Shehi: Kriza në Rinas, sajesë për të harruar “Bechetin”, akuzat për grusht shteti më kujtojnë Enverin

Kriza në Aeroportin e Rinasit është përpjekja e fundit Edi Ramës për të larguar vëmendjen nga Skandali Becheti. Kështu u...

Kryesore2 ditë më herët

“Po firmosen tendera me kontrata marramendëse”

Klodian Tomorri Gazetari Klodian Tomorri, ka bërë një deklaratë të fortë , teksa ka folur për tenderat që po bëhen...

Radar2 ditë më herët

Edhe Veliaj si Rama: Do të rikandidoj për mandatin e tretë në Tiranë!

Kryetari i Bashkisë së Tiranës Erion Veliaj, i ftuar në emisionin “Opinion”, u shpreh se do të rikandidojë për një...

Kryesore2 ditë më herët

Berat Buzhala: Rrëzojeni Edi Ramën. E bëri Shqipërinë vilajet të Turqisë.

Po çfarë bëri tjetër Rama? E bëri Shqipërinë vilajet të Turqisë. Nëse Berisha e priste në Tiranë Bushin, Rama i bën...

Aktualitet2 ditë më herët

Mediu në Rrogozhinë: Votoni të rikthejmë dinjitetin e humbur

Kryetari i Partisë Republikane, Fatmir Mediu, në kuadër të fushatës elektorale të zgjedhjeve të 25 prillit këtë të premte është...

Kryesore2 ditë më herët

Mario Draghi ‘zemëron’ Turqinë, e quan Erdogan diktator

ITALI– Kryeministri Italian, Mario Draghi ka zemëruar Turqinë duke e quajtur presidentin Rexhep Tajip Erdogan “një diktator” dhe duke e...

Kryesore2 ditë më herët

Regjimet i mbulojnë të vërtetat me balada si ato të grushtit të shtetit. Rama vërtet ka prekur fundin.

Rebelët e Rinasit dhe ankthi i një regjimi Dështimin e qeverisë për të arritur një marrëveshje, pas gati një viti...

Facebook