Vrasja në Elbasan, Berisha: Krim i mirëfilltë i Edi Ramës dhe Taulant Ballës

Ish-kryeministri i Shqipërisë, Sali Berisha e ka cilësuar ngjarjen e Elbasanit ku mbeti i vrarë një person dhe u plagosën katër persona një krim të mirëfilltë të kryeministrit Edi Rama dhe drejtuesit politik të PS në Elbasan, Taulant Balla.

I ftuar në Euronews, Berisha thotë se Policia e Elbasanit i di shumë mirë rrethanat e ngjarjes së sotme, por nuk do t’i publikojë pasi po tenton të fshehë “krimin e partisë”.

 “Policia fsheh ngjarjen dhe policia e di shumë mirë pse ka ndodhur ngjarja. Problemi është se duhet të mbulojnë krimin e partisë.

Ky është një krim i mirëfilltë i Edi Ramës edhe Taulant Ballës. Këtë humbjen po e përjetojnë të tmerruar. Ka fakte më absolute të lidhjes së tij si mishi me thoin me PS. S’mund ta mohojnë kurrsesi. Edhe pse është i PS, problemi është se PS e angazhoi në blerjen e votave”, tha Berisha.