Dr. ERLIS ÇELA

Mazhoranca kërkon që ne ta mbyllim gojën për masakrën elektorale qe ajo prodhoi ose ta zhvendosim diskutimin të pamundësia e opozitës për ti bë ballë makinerisë së vjedhjes dhe blerjes së votës. Për ta fitorja duhet të amnistojë moralish çdo lrim zgjedhor. Ajo dëshiron që debati të përqëndrohet te e ardhmja e lidershipit të të opozitës.

Do që vetë demorkatët të grihen me njëri-tjetrin dhe media të na i serviri këtë si reality show politik të radhës, me shpresën se kështu do vazhdojë zullumet pa u vënë re. Unë mendoj se kush ka humbur duhet të mbajë përgjegjësitë, të bëjë analizën dhe të nxjerrë mësimet. Ky është një proces që nuk lidhet me procesin e demaskimit dhe faktimit të masakrës zgjedhore. Janë dy procese që mund të ecin paralelisht dhe të mos kushtëzojnë njëri-tjetrin.

Madje opozita dhe lideri saj ka detyrimin primar tu vërtetojë shqiptarëve çdo krim zgjedhor që ka ndikuar në rezultatin e 25 prillit. Në të kundërt do tradhëtonte ata 760 mijë shqiptarët që votuan kundër mandatit të tretë të Ramës. Opozita ka kusuret e saj por nuk mund të fajësohet pse mazhoranca bleu votat. Nëse zgjedhjet bëhen si në Medellin të Kolumbisë atëherë asnjë opozitë ska për të fituar.