Cigaret elektronike me nikotinë mund të rrisin mpiksjen e gjakut

Cigaret elektronike edhe nëse janë më pak të dëmshme se pirja e duhanit të zakonshëm, kjo nuk do të thotë aspak se ato janë plotësisht pa rrezik.

Kjo është demonstruar nga një studim i ri, sipas të cilit cigaret elektronike që përmbajnë nikotinë shkaktojnë një rritje të papritur të mpiksjes së gjakut dhe ndryshojnë funksionalitetin e enëve të gjakut, duke zvogëluar elasticitetin e tyre dhe për këtë arsye aftësinë e tyre për t’u zgjeruar.

Përveç kësaj, një rritje në rrahjet e zemrës dhe presionin e gjakut u tregua pas përdorimit. E gjithë kjo, nëse shoqërohet me përdorim afatgjatë, sipas ekspertëve mund të katalizojë rrezikun e ngjarjeve kardio-cerebrovaskulare siç janë sulmet në zemër dhe goditjet në tru.

Një ekip hulumtues suedez përcaktuan se cigaret elektronike mund të nxisin zhvillimin e mpiksjes së gjakut ( trombe ), të ndryshojnë enët e gjakut dhe të rrisin rrahjet dhe presionin e zemrës.

Siç tregohet në një njoftim për shtyp të  lëshuar nga ERS, pjesëmarrësit midis 18 dhe 45 vjeç ishin duhanpirës të rastit, por me shëndet të mirë.

Duke krahasuar rezultatet e testeve të marra nga përdorimi i cigareve elektronike me dhe pa nikotinë, doli se kjo e fundit kishte efekte afatshkurtra në parametrat fiziologjikë që nuk duhen nënvlerësuar.

Së pari, një rritje e mpiksjes së gjakut prej 23 përqind u vu re pas 15 minutash të përdorimit të cigareve elektronike me nikotinë (u kthye në normale pas 60 minutash), së dyti enët e gjakut u ngushtuan përkohësisht.

Dr Lyytinen dhe kolegët gjithashtu vunë re një rritje të rrahjeve të zemrës – e cila shkoi nga një mesatare prej 66 në 73 rrahje në minutë – dhe presionin e gjakut, i cili u rrit nga një mesatare prej 108 milimetra merkuri / mmHg në një mesatare prej 117 mmHg.

“Rezultatet tona sugjerojnë që përdorimi i cigareve elektronike që përmbajnë nikotinë ka një ndikim të ngjashëm në trup me atë të cigareve tradicionale. Ky efekt në mpiksjen e gjakut është i rëndësishëm sepse ne e dimë se në afat të gjatë kjo mund të çojë në bllokimin dhe ngushtimin e enëve të gjakut, dhe kjo padyshim që i vë njerëzit në rrezik për sulme në zemër dhe goditje në tru“, tha  Dr Lyytinen.

Sipas ekspertëve, rritja e mpiksjes së gjakut është për shkak të faktit se nikotina stimulon prodhimin e hormoneve të tilla si adrenalina, e cila nga ana tjetër mund të katalizojë rrezikun e mpiksjes së gjakut.

Meqenëse ishte një studim i vogël, është shumë herët për të nxjerrë përfundime të qëndrueshme ; prandaj do të jetë e nevojshme të kryhen hetime më të detajuara.