Mjafton një vëzhgim i thjeshtë, mbi atë çka raportohet në media, në portale apo edhe televione, për të kuptuar se cilët janë të gjitha mediat e kontrolluara nga Edi Rama që po i shërbejnë Lulzim Bashës. Por edhe analistët e kryeministrit që janë vënë në dispozicion të sulmit kundër Sali Berishës, të cilëve u janë bashkuar edhe disa emra që janë në krah të Lulzim Bashës.

Kjo qartazi konfiguron një koordinim mjaft të mirë të dyshes Rama-Basha, këtë herë në funksion të një sulmi kundër Sali Berishës.

Le t’i shikojmë një e nga një.

Sulmet kryesore ndaj Sali Berishës bëhen nga Mustafa Nano, i cili përshëndet aktet e Lulit dhe e quan Lulin lider pas “vrasjes” së Berishës.

Pas tij vjen Mero Baze. Një nga analistët kryesorë të kryeministrit Edi Rama, i cili mbështet hapur Lulzim Bashën në aktin e tij.

Më tej, vjen Frrok Çupi, një nga njerëzit që e shikon PD-në, si një forcë armike.

Në fakt Frroku, i kompleksuar nga ajo çka mendon, duket qartazi se është në shërbim të linjës së Lulzim Bashës, kundër Berishës.

Më tej bie në sy Baton Haxhiu. Njeriu i Edi Ramës, krahu i djathtë i tij.

Mediatikisht dhe në publik ka dalë edhe Robert Rakipllari, i cili mund të quhet më afër qeverisë. Njeriu i Irfan Hysenbelliut, njeriu i lidhur me biznese me kryeministrin Rama.

Nga ana tjetër Mentor Kikia. Një nga ish-drejtuesit e Top Channel, një media kryesisht e rreshtuar ashpër kundër Berishës, po i shërben më së miri Lulzim Bashës.

Adri Nurellari, një tjetër ish-këshilltar i Hashim Thaçit, si në rastin e Baton Haxhiut, është rreshtuar kundër Sali Berishës.

Mesa duket nën komandën e Ramës, për të pasur një qasje të ashpër ndaj Berishës dhe një mbështetje të fortë për Lulzim Bashën.

Nuk nguron as Fatos Klosi, ish-kreu i SHISH, një nga njerëzit që më shumë sesa në një pozicion politik, tashmë është kthyer në një analist televiziv. Duke marrë një pozicion të fortë kundër Berishës dhe mbështet hapur Lulzim Bashën.

Por, pas Fatos Klosit një emër tjetër që duket se është pro largimit të Sali Berishës dhe mbështet Lulzim Bashën është edhe Enton Abilekaj. Ish-zëdhënësi i Fatos Nanos dhe Partisë Socialiste, i kthyer në një mbështetës të Ilir Metës dhe LSI-së, që tashmë ka probleme me Lulin. Por, Abilekaj si një socialist i vjetër, qartazi duket të jetë kundër Sali Berishës.

Pas tyre janë rreshtuar edhe dy figura qesharake.

I pari është Fitim Zekthi. 

Dhe i dyti është Agron Gjekmarkaj.

Ky i dyti duket tamam si një “klloun cirku”, për shkak se ka qënë njeriu më i ashpër kundër Lulzim Bashës. Ka me dhjetëra e qindra shkrime kundër Lulit. Dhe sot për shkak se i dha një mandat deputeti, pra një “kockë” Gjekmarkajt, ai është kthyer kundër Berishës.

Në fakt nuk çudit njeriu i cili ka qënë një bashkëpunëtor i ngushtë i Edi Ramës dhe i përdorur prej tij kundër Lulit dhe tani përdoret sërish kundër Berishës.

Pra, qartazi nëse shikojmë këta 11 emra, duket se shumica janë personazhe mediatikë, stoikë, kundër Partisë Demokratike. Njerëz që kanë luftuar ashpër kundër Berishës, por edhe ai kundër tyre. Dhe tashmë disa prej tyre, nën komandën e kryeministrit Rama vahdojnë betejën me Berishën. Megjithëse kryetari i PD-së është Lulzim Basha.

Dhe analistët e Lulzim Bashës, nga ana tjetër bashkohen me ta kundër Berishës.

Pra, një linjë, një rrjet gazetarësh të përdorur nga dyshja Rama-Basha, në funksion të qëllimit të tyre për të goditur Berishën, për t’i hapur nesër mundësinë e bashkëqeverisjes Rama-Basha, i cili është dhe qëllimi final i gjithë sulmit mediatik që po përdorin analistët e dyshes së Rilindjes dhe Republikës së re kundër ish-kryeministrit të vendit, i cili duket qartazi se është pengesa kryesore PD-PS.