DRAMA e rinisë, kalon edhe nga varfëria e fjalorit!

DRAMA e rinisë, kalon edhe nga varfëria e fjalorit! / Ledian Droboniku

Bota është e përbërë prej fakteve, të cilat Njeriu i kupton me anë të mendimit. Kurse vetë mendimi strukturohet nga fjalë e simbole.

Kështu Niveli i njohjes së Botës me anë të mendimit, pasqyrohet në Nivelin e fjalorit tonë. Nëse dikush ka një fjalor të varfër, po aq e varfër dhe primitive është bota e tij. Ai ka vetëm njohje sipërfaqësore e primitive.

Në këtë nivel, pa e kuptuar botën ai as nuk di dhe as nuk do ta ndryshojë atë.Një frymor i tij kthehet në skllav të sistemit, apo më keq, një vegël qorre në duart e padronit.

E kishin kuptuar grekët antikë që ekziston një përputhje mes Arsyes së Realitetit dhe Llogjikës së Njeriut! Vetëm Njeriu kupton e kodifikon botën.

Është ky nivel vetëdijësimi që i mundëson atij, jo vetëm ta sodisë por edhe ta Ndryshojë atë.Por jo të gjithë duan ndryshimin e saj.

Një pjesë do të ruajë privilegjet duke penguar zhvillimin e saj emancipues për Njerëzimin.Këtu qëndron edhe drama.

Po krijohet një HON I THELLË mes kompleksitetit të botës aktuale dhe njohjes së saj prej masave.Për herë të parë në Histori, kemi një regres antropologjik e zhvillim teknologjik.

Kjo është dhe kryevepra e Neoliberizmit, që bën çmos të krijojë një projeksion banal të Realitetit virtual e duke fshehur botën e vërtetë, që drejtohet nga pak “elita”Rrënimi i shkollave, degradimi i lëndëve humaniste në favor të atyre “të dobishme ekonomikisht”, manipulimi konstant i mediave, përdorimi i fb dhe rrjeteve për info idjote dhe me ritme histerike pa reflektuar, degradimi i artit, kthimi i muzikës në zhurmë pa memorie, homologimi i kulturave kombëtare në atë universale anglo-saksone, etj etjkrijuan hommo videns, njeriun që sheh po nuk kupton!

Ja pse vetëm me anë të EDUKIMIT dhe njohjes së botës (sot rëndësi madhore ka dituria filozofike, ekonomike, financiare, politike, psikologjike, juridike) POPULLI mund të thyejë prangat e skllavërisë, shfrytëzimit e mjerimit!

Kjo është detyrë e Rinisë për ti mësuar dhe misioni ynë për të mos u kyrsyer duke shpjeguar!