Orët luksoze, Jaeger-LeCoultre sjell modelin e ri për 1.5 milionë dollarë

Në vitin 2006, prodhuesi legjendar zviceran i orëve, Jaeger-LeCoultre, solli Reverso Hybris Mechanica à Triptyque. Ora e parë me tre numra të drejtuar nga një lëvizje e vetme, evolucioni përfundimtar i orës ikonë të markës Reverso, krijuar për lojtarët e polos në vitet 1930, kishte një çmim prej 500 000 dollarë u prodhuan vetëm 75 copë.

Pesëmbëdhjetë vjet më vonë, e njëjta markë sjell Reverso Hybris Mechanica Caliber 185, model i kufizuar në vetëm 10 copë dhe kushton rreth 1.5 milionë dollarë.

Reverso Hybris Mechanica Caliber 185 është modeli më i ndërlikuar dhe më i shtrenjtë i krijuar ndonjëherë. Rezultat i mbi gjashtë viteve punë, ajo mund të parashikojë ngjarjet e ardhshme astronomike si eklipset dhe superhënat.

Jaeger-LeCoultre, e themeluar në Vallée de Joux në 1833, është një nga emrat më prestigjioz të orëve në botë. Të gjithë emrat e tjerë të historisë në prodhimin e orës zvicerane, nga Audemars Piguet te Vacheron Constantin dhe madje edhe Patek Philippe kanë marrë frymëzim nga JLC gjatë viteve.