Kombëtarja kuqezi ka marrë një tjetër ndëshkim nga FIFA dhe bëhet fjalë për dronin me mesazh politik ”Taulant Balla, Elbasani ty të do”.

Droni u ngrit për ti bërë sfidë kryeministrit Rama i cili e hoqi Ballën jo vetëm si sekretar i përgjithshëm i PS, por edhe si drejtues politik në qarkun e Elbasanit.

Kuqezinjtë janë ndëshkuar nga komisioni i Disiplinës i Organizimit më të lartë të futbollit botëror me një tjetër gjobë për një episod në sfidën e 5 shtatorit ndaj Hungarisë në ”Elbasan Arena”, ndeshje e fituar 1-0 nga kuqezinjtë.

Për këtë skenë, FIFA gjobit FSHF-në me 37 mijë e 500 franga.

Por komikja për PS mbetet se droni që u ngrit kundër Edi Ramës dhe pro Taulant Ballës ishte nga dronët e paguar nga PS-ja për fushatë elektorale parlamentare.