Nga Berat Buzhala

Sali Berisha e ka fshi përpara Partinë Demokratike, s’ka që e ndalë. Nuk e di a është kjo një gjë e mirë për këtë parti dhe për demokracine shqiptare në përgjithesi. Berisha është që 30 vjet në politikë, edhe është pak vështirë me besu që mundet me dhanë edhe diçka me tepër për atë vend.

Unë jam prej atyre që besoj që Berisha është politikani që i ka dhanë më se shumti Shqipërisë, krahasuar me Metën, Ramën, Mejdanin, Mojsiun, Topin dhe të tjerë me radhë. I ka pri rrëzimit të komunizmit, e ka antarësue në NATO, ia ka heq vizat shqiptarëve dhe të arritura të tjera. Mirëpo çka mundet me dhanë tjetër?

Sido që të jetë Lulzim Basha u tregu i paaftë për me qenë opozitar i Edi Ramës. Ka dështu që tetë vjet e do të dështojë edhe 80 vjet të tjera. Prandaj, rikthimi i Berishes dhe entuziazmi rreth tij edhe mund të justifikohet. Shqiptarët kanë qenë në kërkim te një lideri që nuk negocion me Ramen, që nuk i nënshtrohet e as frikësohet atij. Këtë gjë e kanë gjetur te Berisha.

Kështu që në demokraci mosha nuk është pengesë shumë e madhe. Mos t’i numeroj me radhë liderët që janë më të vjetër se Berisha. Ndoshta nuk po don me shku prej ksaj bote pa e hjekë edhe Ramen.

Berisha ishte shpallur i vdekur edhe pas përmbysjes së vitit 1997. Mirëpo e kishte deshmuar që ai duhet të shpallet i vdekur politikisht veç nëse është i vdekur biologjikisht.