Sërish Lulzim Basha u vendos përballë Sali Berishës në dy transmetime të drejtpërdrejta në të njëjtën orë.

Ndërkohë që ish kryeministri, Sali Berisha, fliste nga Foltorja e Fushë-Krujës, Basha po fliste në Kuvendin e Shqipërisë, ku po zhvillohet seanca maratonë për buxhetin. Megjithatë diferenca në audiencë, ishte e jashtëzakonshme.

Berisha e ka “shembur” Bashën me rreth tre herë më shumë audiencë. Ndërkohë që Berisha kishte rreth 3100 ndjekës live, Basha ndiqej nga vetëm 864 persona (foto më poshtë). 

Edhe disa ditë më parë, Berisha kishte mbi tre herë më shumë ndjekës. Pavarësisht se kjo është një matje në rrjetet sociale, ajo gjithsesi është një indikacion për popullaritetin e dy politikanëve, që tashmë janë në rivalitet të ashpër me njëri tjetrin.