Kujtojmë se para disa javësh, Kate Middleton mbajti një fjalim në Londër për fushatën e Forward Trust “Taking Action on Addiction”, e veshur me të kuqe duke sjellë para kohe sezonin e festave.

Dukesha e Kembrixhit, mbante veshur një golf kashmiri Polo Ralph Lauren (248 dollarë) dhe një fund treçerekëh me pala korrenti nga Christopher Kane (995 dollarë). Ajo e kombinoi veshjen e kuqe me një palë këpucë nude me takë nga Ralph Lauren (675 dollarë) dhe me një çantë të vogël DeMellier (395 dollarë) në të njëjtën nuancë.

Megjithatë, ajo që tërhoqi më shumë vëmendje ishte zgjedhja e bizhuterive. Sepse ndryshe nga e gjithë veshja, bizhuteritë ishin të përballueshme nga të gjithë. Në vend të diamanteve ose perlave, Middleton zgjodhi një palë vathë Asos që kushtojnë vetëm 14.50 dollarë, pak a shumë 1500 lekë.

Madje, duket se vathët i pëlqejnë shumë Dukeshës, sepse kjo nuk është hera e parë që ajo i përdor për një shfaqje publike. Kate i ka kombinuar më parë vathët me një fustan të kuq dhe të zi nga Alessandra Rich, për një vizitë në Muzeun Victoria dhe Albert, në maj.

Vathët janë të larë me ar 14-karat dhe, sipas faqes së internetit, po shiten shpejt.