Termi “nerv i rrudhur” është emri që i jepet ndjesisë se dhimbjes ose mpirjes së pakëndshme që shkaktohet kur një presion në rritje mbi nervin do të çoje në acarim ose dëmtim të nervit periferik.

(Një nerv periferik është ai nerv që është jashtë trurit dhe palcës kurrizore.)
Kjo gjendje shpesh shoqërohet me dhimbje prapa ose me lëndim të qafës. Pothuajse çdo nerv është rrezikuar për të qenë i ndjeshëm.

Perceptimi i dhimbjes ndryshon nga njeri tek tjetri. Janë përdorur terma të tilla si ndjesi djegieje, ndjesi shpimi dhe përshkrime të tjera.

Cilët janë faktorët e rrezikut për të shkaktuar një gjendje të tillë?

Çdo gjë që rrit presionin rreth një nervi mund të shkaktojë nerv të rrudhur. Shkaqet e zakonshme përfshijnë pozicionin e trupit siç janë mbështetja në bërryla, kalimi i këmbëve njëra mbi tjetrën ose qëndrim jo i mirë.

Me kalimin e kohës këto pozicione mund të çojnë në ushtrim presioni mbi nervat apo edhe dëmtim të nervave në këto zona.

Prania e hernieve ose disqet e fryrë dhe artriti në shtyllën kurrizore mund të shkaktojnë presion mbi rrënjët nervore që çojnë në dhimbje ose siklet lidhur me nervin e dëmtuar.Rritja e peshës ose mbajtja e ujit mund t’i predispozojë njerëzit të zhvillojnë nerva të ndrydhur.

Sëmundja e tiroides, sidomos hipotiroidizmi (nivelet e ulëta të hormoneve të tiroides) mund të kontribuojnë në mbajtjen e ujit dhe në shtimin e peshës dhe mund të rrisin rrezikun e disa llojeve të nervave të rrudhur dhe te dëmtuar.

Shtatzënia, e cila shoqërohet me rritjen e peshës dhe që herë pas herë lidhet me mbajtjen e ujit, është gjithashtu një faktor i përbashkët rreziku për zhvillimin e llojeve të caktuara të dëmtimit të nervave.

Aktivitetet e përsëritura (shtypja dhe përdorimi i mjeteve të caktuara) gjithashtu mund të rritin ënjtjen rreth nervave të caktuar dhe të çojnë në simptoma të nervit të dëmtuar.

Presioni në një nerv periferik mund të irritojë vetë nervin, mbulesën mbrojtëse të tij ose të dyja. Kur kjo ndodh, nervi nuk është në gjendje të kryejë impuls ndijor ndaj trurit në mënyrë të përshtatshme, duke çuar në një ndjenjë të mpirjes.

Ky inflamacion i lidhur me dëmtimin ose lëndimin mund të shkaktojë gjithashtu dhe dhimbje që do të dërgohen në tru. Në fazat e hershme, shumë njerëz mund ta përshkruajnë këtë ndjesi si një pjesë e trupit që ka “rënë në gjumë”. Megjithatë, nëse inflamacioni nervor vazhdon, kjo ndjesi vazhdon, në vend që të zgjidhet pas disa minutash.

Nëse nervi është dëmtuar për një kohë të shkurtër, shpesh është në gjendje të riparojë vetveten, por mund të duhen disa javë ose muaj që simptomat të zgjidhen plotësisht.

Megjithatë, nëse kjo gjendje vazhdon për një kohë të gjatë, mund të ndodhë dëmtim i përhershëm nervor.
Trajtimi i një nervi të ndrydhur varet nga vendndodhja dhe shkaku.

Pushimi i zonës së prekur shpesh është shumë efektiv, sidomos në rastet e lëndimeve të shkaktuara nga aktivitetet e përsëritura. Terapia fizike është shpesh e dobishme kur një nerv i ngjeshur shkaktohet nga probleme në qafë ose regjione të tjera.

Ushtrimet mund të forcojnë muskujt dhe barnat anti-inflamatore: si ibuprofen dhe naproxen mund të jenë të dobishme. Injeksione të kortikosteroideve (një medikament anti-inflamator) mund të jenë gjithashtu të dobishme për shumë lloje të nervave të dëmtuar.