Ushqyerja jonë është më e pasur se një herë e një kohë, por në të njëjtën kohë shpenzojmë më pak energji në aktivitetet fizike.

Të ushqyerit më shumë seç duhet sigurisht që çon në mbi peshë, por edhe në etapën e parë të arteriosklerozës. Arterioskleroza është sëmundja e arterieve, e cila karakterizohet nga depozitimi i materialeve yndyrore në muret e tyre, duke shkaktuar ngushtim dhe përkeqësim të rrjedhës së gjakut nëpër to.

Veneciani Alvise Cornaro në librin e tij “Diskutime përreth jetës së ndaluar”, që në shekullin XV vë në dukje kufizimet në tavolinë.

Duhet të mësojmë që të mos shfryjmë streset dhe ankthet në tavolinë, të mos helmohemi nga ushqimet e falsifikuara, nga ngjyruesit, nga shtesat ushqimore me origjinë kimike.

Vetëm kështu ndihmojmë trurin tonë të kujdeset për mbrojtjen e tërësisë së tij, kur ulemi për të ngrënë; arterioskleroza lind, mbi të gjitha kur hamë në mënyrë jo racionale.

Atëherë si të ushqehemi?
1. Shpërndarja e energjisë ulet me kalimin e viteve, për sforcimet e vogla që i nënshtrohet fiziku, patjetër duhet të kalohet në një zvogëlim të përgjithshëm të ushqyerjes; brumërat duhet të jenë në sasi të vogla të copëzuara.

2. Nuk duhet të tejkalohet me ushqimet që përmbajnë shumë substanca yndyrore, e ndërmjet këtyre, ato me origjinë shtazore; këto substanca janë ato që, duke kaluar në gjak, shkojnë dhe depozitohen në enët e gjakut duke rritur kështu vendosjen e arteriosklerozës.

Qumësht pa yndyrë, prodhime qumështi me pak yndyrë, mish dhe peshq me pak yndyrë, perime të ndryshme dhe fruta të freskëta janë më të mirat. Edhe produktet që përmbajnë amidon dhe sheqerna duhet të jenë në sasi të pakët.

3. Konsumimi i produkteve ushqimore “të papërpunuara” favorizon marrjen e vitaminave nga organizmi, koret e bukës – duhet të jenë në sasi të madhe në dietën e atij individi që kërkon të mbrohet nga arterioskleroza – rregullojnë funksionet intestinale, ulin sasinë e yndyrave që qarkullon në gjak dhe mbron mëlçinë.4. Duhet të zvogëlohet sa të jetë e mundur konsumimi i pijeve energjike, çaji i fortë dhe kafeja.

5. Të zvogëlohet apo të hiqet dorë nga pirja e duhanit, në mënyrë të veçantë kur stomaku është bosh: nikotina e thithur nga tubi tretës nëpërmjet pështymës, shkakton veprim vasokonstrikor (ngushtim i enëve të gjakut).

Në këtë mënyrë komprometon tërësinë e arterieve, duke shpejtuar sklerozën (ngurtësim dhe trashje e indeve pas inflamacioneve të ndryshme ose pas kalimit të moshës).

6. Nikotina jo vetëm vepron direkt mbi tru, por edhe dëmton në rrugë toksike qelizat nervore.

Memoria, kujdesi, reaksionet e ndryshme psiko-nervore komprometohen nga duhani, ndërsa kjo thekson ankthin, paqëndrueshmërinë emocionale, pagjumësinë etj.