Periudha e izolimit nuk ishte e lehtë për askënd dhe mund të jetë e vështirë për ju të përshtateni me një realitet të ri. Stresi i mbledhur gjatë asaj kohe, lajmet jo dhe aq positive që dëgjojmë çdo ditë mund ta bëjë të vështirë rikthimin në rutinën e mëparshme dhe mund t’ju duhet më shumë kohë të përqëndroheni.

Por pasi të keni praktikuar këto ushtrime të shpejta në më pak se pesë minutado të ndiheni më të qetë dhe do ta keni më të lehtë të përqëndroheni.

Komunikoni më shumë me veten

Para se të ngriheni nga shtrati shkruani rreth asaj që ndjeni apo mendoni pa u menduar gjatë në një ditar. Do ta filloni ditën duke u ndjerë më i qetë dhe më i fokusuar në qëllimet tuaja.

Përdorni fuqinë e prekjes

Profesioistë të jogës shprehen që nëse vendosni duart në zemër ose thjesht në njërën anë të gjoksit, ta mbani për disa momente dhe të mendoni rreth vetes dhe jetës suaj, rreth arritjeve dhe qëllimeveqë keni do të jeni më të fokusuar në aktivitetet e radhës.

Kushtojini vetes 5 minuta për të krijuar “oazin e lumturisë”

Në një vend ku të ndiheni më rehat shpenzoni 5 minuta për të qenë vetëm me veten, merrni pijen tuaj të preferuar dhe lëreni telefonin mënjanë për t’u larguar nga të gjitha shpërqëndrimet e jetës së përditshme që nuk ndikojnë mirë te ju. Me siguri dotë ndiheni shumë më mirë.

Ndërroni vend

Kur të jeni gati të largoheni nga laptopi ose të keni mbaruar me nxitimin e punës, uluni në dysheme. “Është tokëzues në çdo mënyrë, fizikisht dhe emocionalisht, gjë që padyshim nxit vëmendjen,” thotë Barrett. Edhe të bësh një palosje përpara për të prekur dyshemenë me pëllëmbët e tua – ose thjesht të qëndrosh në këmbë me vetëdije – funksionon si një ushtrim i vetëdijes. “Kur gjërat ndihen pak jashtë kontrollit, ndjenja e tokës së fortë poshtë jush po stabilizohet”, shton Chopra. (Ju mund të dëshironi të shtoni edhe një shtresë tokëzimi në rutinën tuaj.)

Mendoni diçka ndryshe çdo 90 minuta

Truri i njeriut, zakonisht, nuk qëndron I fokusuar për më shumë se 90 minuta. Prandaj lind nevoja që të paktën çdo 90 minuta ta lëmë mendjen të endet .

Mendoni për gjërat që ju bëjnë të ndiheni më mirë

Ekspertët thonë që nëse mendoni rreth gjërave që ju bëjnë të ndiheni mirë me veten do të qetësoheni. Mund të bëni edhe një veprim që sa herë e bëni ndiheni më të qetë e më të lumtur.