Dhjetë vjet pas trajtimit me rrezatim për kancerin e kokës dhe qafës, disa pacientë mund të shfaqin probleme në të folur dhe gëlltitje, zbulon një studim i ri.

Këto probleme kanë të bëjnë me dëmtimin e rrezatimit në nervat kraniale, shpjeguan studiuesit. Gjendja quhet neuropati kraniale e shkaktuar nga rrezatimi.

“Ne gjithmonë kishim menduar që rrezatimi nuk dëmton nervat e kafkës sepse ato trajtohen në çdo pacient me kancer të kokës dhe qafës, dhe ne nuk shohim neuropati kraniale zakonisht”- tha Dr. Thomas Galloëay, nga departamenti i onkologjisë së rrezatimit në Qendra e Kancerit Fox Chase në Filadelfia.

“Ajo që të dhënat tona sugjerojnë është që një përqindje e vogël e njerëzve marrin dëmtime të nervit kranial nga trajtimi, por kjo ndodh pas një periudhe të gjatë latente”- tha Galloëay.

Për studimin,mjekët mblodhën të dhëna për 1100 pacientë që kishin bërë rrezatim për kancer të kokës dhe qafës ndërmjet viteve 1990 dhe 2005. Midis këtyre pacientëve, 112 u ndoqën për të paktën 10 vjet.

Nga 112 pacientë, 14% zhvilluan të paktën një neuropati kraniale. Koha mesatare deri sa u pa gjendja ishte më shumë se shtatë vjet. U deshën disa pacientë dhe më shumë se 10 vjet për të zhvilluar problemin, treguan rezultatet.

Shërimi i kancerit fillestar është shqetësimi më i rëndësishëm, tha Galloëay. Por këta pacientë duhet të ndiqen për pjesën tjetër të jetës, nëse është e mundur, shtoi ai.

Raporti është botuar së fundmi në revistën Oral Onkologji.