Alban Ramosaj ka folur për herë të parë për situatën që është krijuar në shtëpinë e BBV. Ai zbuloi se në fillim nuk ka qenë dakord që Beatrix të bëhej pjesë e BBV, por më vonë i ka ndezur dritën jeshile. Në një intervistë në Top Albania Radio, Albani theksoi se motra e tij nuk ka djallëzi dhe se jeton si nëpër filma, duke dashuruar pa kushte. Përsa i përket Donaldit, ai shtoi se nuk e njeh personalisht.

“Ka qenë pak shqetësuese, por kur rri mendoj, kuptoj që nuk kanë idenë çfarë po flasin. Nuk na prek sepse ne e dimë se kush është Beatrix, e vërteta gjithmonë del. Nuk kemi asnjë lloj shqetësimi, shqetësimi i vetëm është që më ka marrë malli… Unë jam shumë i lumtur. Ajo gjithmonë ka patur problem të gjejë dikë që ta dashurojë dhe ta dojë. Është shumë e mirë pa pikë djallëzie. Ajo motra ime jeton nëpër filma, dashuron pa kushte, lum ai që do mund ta bëjë për vete. Donaldin nuk e kam takuar asnjëherë, as nuk kam shkëmbyer asnjë fjalë të vetme me të”,tha Albani.