Ka nisur në të gjithë vendin referendumi për ratifikimin e shkarkimit të Lulzim Bashës si kryetar i Partisë Demokratike. Fleta e votimit përmes së cilës anëtarët e PD do të votojnë për shkarkimin e Lulzim Bashës është bërë publike. Fleta e votimit i jep dy mundësi demokratëve, të konfirmojnë ose jo me referendum largimin e kryedemokratit.

Që në orët e para të mëngjesit është vënë re nje dyndje e madhe e demokratëve në të gjithë Shqipërinë, për të ratifikuar shkarkimin e Lulzim Bashës.

Në Tiranë , ka pasur një dyndje masive të votuesëve në degën nr 2 ,ku ka votuar edhe ish kryeministri Berisha.

Ky i fundit është shprehur se sot është një ditë historike .

“Ditë historike për lirinë, shpresën e PD, shoqërisë shqiptare në tërësi. Ky është referendumi i parë në 30 vite i thirrur nga anëtarësia e një partie politike për të shkarkuar peng kryetarin me fjalë të tjera atë që do hyjë në analet politike të Shqipërisë, si Lulzim Brava.

Pra, nëse ky është referendumi i parë që demokratët thërrasin vetë për një vendim historik ju rikujtoj këtu se në 2009 është mbajtur një referendum tjetër ku anëtarësia është ftuar nga kryetari për të mos votuar për kryetarin. Tani cdo shqiptar të krahasojë dy botë, të lirisë dhe autokracisë. Duke rikujtuar këtë kontrast të madh, rikujtojmë se ky është referundimi i shpresës për cdo shqiptar.

Gjithashtu, pjesmarrje e lartë votuesish ka pasur edhe në Lezhë, Fier, Shkodër, Lac ,etj .

Radhë të gjata ka edhe në Shkodër, ku demokratët po votojnë sot shkarkimin e Lulzim Bashës.

SITUATA NË QARQE

Në Gjirokastër janë gjithsej 1100 anëtarë demokratë me të drejtë vote në Bashkitë Gjirokastër, Libohovë dhe Dropull, të cilët do të shprehin verdiktin e tyre në referendum. Janë gjithsej 4 qendra votimi që do të jenë në Pallatin e Sportit, në lokal në qendër të Lazaratit. Në një lokal në Libohovë dhe tek ish-zyra elektorale e

Qarku Korcë ka 9 qendra votimi, ku 2 prej tyre janë në ish-kinematë dhe 1 në qendrën kulturore të fëmijëve.

Në Durrës, 2700 anëtarët e kësaj partie janë ftuar në Pallatin e Kulturës të shprehin me votë vullnetin e tyre.

Dega Krujë, e cila ka rreth 700 anëtarë pritet të votojë në dy qendra votimi, një në Thumanë dhe një në Krujë, ku do votohet në ambjente të mara me qera.

Ndërsa dega e partisë demokratike e Fushë Krujës ka 870 anëtarë. Votimi pritet të zhvillohet te qendra shëndetësore e ku është dhe zyra e partisë.

Në Berat referendumi do mbahet te Pallati i Kulturës.

Në Vlorë janë rreth 1400 anëtarë të PD-së, ku qendra e votimit do të jetë pranë selisë së PD. Ndërkohë nga një qendër votimi do të ketë edhe në Selenice e në Himarë.