Platformat e rrjeteve sociale janë ura kryesore e komunikimit të sotëm të politikanave me mbështetësit e tyre, por dhe me median. Kjo formë komunikimi po përdoret masivisht vitet e fundit në Shqipëri.

Nga një vështrim i bërë në rrjetet sociale, duke u ndalur te Facebook, si aplikaconi më i përdorur nga politikanët shqiptarë, kemi bërë një renditje se kush prej tyre ka më shumë ndjekës.

Listën e kryeson kryeministri Edi Rama me mbi 1.5 milionë ndjekës. Edhe postimet e Ramës janë më të shpeshta, si për të reklamuar punën e bërë apo dhe për çështje të ndryshme.

I dyti me më shumë ndjekës është ish-kryeministri Sali Berisha. Ai ka 1.1 profile qytetarësh që e ndjekin në rrjetet sociale. Pas tij, por me diferencë të thellë numrash, renditet kryedemokrati Lulzim Basha.

Ky i fundit ka 657 mijë ndjekës dhe ndiqet nga kryebashkiaku i Tiranës Erion Veliaj. Ai ka 534 mijë ndjekës. Renditja pason me presidentin Ilir Meta, i cili ka

158 mijë ndjekës. Më pak e ndjekura në rrjetet sociale nga aktorët kryesorë të politikës është kryetarja e LSI-së, Monika Kryemadhi me 93 mijë ndjekës.