Nga Mimoza Hajdarmataj

Reflektim në 31 vjetorin e themelimit të PD dhe të degëve të saj anë e mbanë vendit…

Miq,

Fjalimi që mbajti dr. Sali Berisha, në ditëlindjen e 31-të të Partisë Demokratike Dega Durrës dhe asaj në Vlorë, na kujtoi diçka shumë të rëndësishme: se partitë dhe grupimet politike që rrëzuan rregjimet diktatoriale të bllokut të Lindjes (ish komuniste), si motra me PD- në tonë, nuk janë më promotor zhvillimi në vendet e tyre. Ato e mbaruan misionin e tyre dhe u shuan si lëvizje dhe grupime.

Por ndryshe ndodhi në vendin tonë!

Partia Demokratike vazhdon të qëndrojë e fortë dhe si alternativë shpresë për këtë vend!

Kjo sigurisht “FALË SALI BERISHËS”.

Për sa kohë Sali Berisha ishte në krye të Partisë Demokratike nuk u vu kurrë në diskutim egzistenca e PD-së.

Por u vu në diskutim këto 8 vite. Vite shum të vështira për të gjithë shqiptarët, me skena tragjikomike, skena në të cilat në çdo rast tjetër me një lider të mirëfilltë, partia politike e resistencës do të ishte rritur me dyfish, trefish, katërfish … Ndërsa lidershipi peng-Bashë- vula, na vuri në diskutim edhe egzistencën!

Një krijesë politike që zhgënjen prej kohësh por së fundmi edhe shumë e urryer, e cila çdo ditë e më shumë po tregon që është marrë seriozisht peng.

Lider që humbi, për disa rradhë, të gjitha garat, ose iu iku si frikacak atyre, por nuk nguron t’ua nxjerrë dhëmbët vetëm demokratëve dhe babait politik, babait të Partisë dhe historisë së demokratëve.

Ai po shkon çdo ditë nga skandali në skandal dhe po del tek fytyra e tij e vërtetë dhe e atyre shumë pak njerëzve të lidhur me krimin dhe korrupsionin që po e mbeshtesin vetëm për ta futur këtë vend në anarki ose totalitarizëm autokratik.

Deri tani kemi qenë disi në mjegull. Basha na ka venë në mjegull, kemi besuar tek fuqia e demokratëve, kemi besuar që të gjithë deputetët, ish deputetët, kryetarë Partie, sekretarë, kryetarë seksionesh dhe grup seksionesh do arrinim të ngrenin frymë, do arrinim të mbulonin të gjitha boshllëqet e një ishkryetari që kishte vra shpresat me kohë dhe të urryer nga vetë demokratët.

Por sado që i mbuluam me punën tonë, defektet dhe mangesit e një të marruri peng, ne nuk ia dolëm të sjellim vlerat tona në qeverisje!

Por, jo që nuk u votëbesuam dhe nuk u zgjodhëm nga populli, por Basha na shiti!

Basha na shiti!

Gjithçka që po ndodh prej 25 Prillit, kur nuk u bë asnjë analizë, asnjë kërkim falje, asnjë dorëheqje, po na shpjegon qartë e më qartë, se çfarë po ndodh, “Basha po punon për rrenimin dhe dështimet e PD-së dhe të historisë së saj”. Plani i tij ndoshta është pikërisht ai i Sorosit që ishte prej fillimit të viteve ’90- ti shkrijë partitë që rrëzuan komunizmin në bllokun lindor dhe të risjellë fuqishëm qendrën e majtë në pushtet!

Është koha të pastrohemi prej këtyre mbetjeve dhe këtyre rrënjëve grami që kanë zënë tokën e demokratëve!

Tani po kuptoj që përveç parave të krimit, vendeve të punës të shitura, ikja masive e shqiptarëve demokratë, apo patronazhistëve, etj, armiku më i madh i shqiptarëve ka qenë propaganda e rilindjes, manipulimi opinionit publik dheeee marrja peng e njeriut Basha, duke mos na lënë ne demokratëve të ruanim lidhjet me njëri tjetrin, me njerëzit, me qytetarët, me shqiptarët, me bazën, me uraganin popullor.

Këto lidhje duhen kthyer dhe do ti kthejmë së bashku, ne, Partia Demokratike e Rithemeluar, pa Peng Bashën në krye!

Por me njerëzit fisnik!