Lidhu me ne

Kryesore

(de?)Natyralizohet politika e SHBA. Fshihen fjalët ‘demokraci’ e ‘të drejta’. Thjesht: Basha është i yni!

Basha on meeting Escobar: Fight against corruption, a national interest for  US and Albania | Euronews Albania

Lulzim Basha kërkoi ndihmë dhe ajo erdhi. Zëri i Amerikës ka intervistuar sot fytyrën e re amerikane për krizën shqiptare, zv.ndihmës sekretarin e Shtetit për Evropën Jugore dhe Qendrore, Gabriel Escobar.

Në parantezë po vëmë në dukje se përgjigjet e z. Escobar vijnë me nje shqipe për amerikanët, aq formale, në numër shumës, neutrale thuajse fare, si një gjuhë jo e dikujt që është i lëmuar në zejet e veta, por e një indiferenti që reciton. Është shqipja korrekte e politikave korrekte të një shteti që pretendon se ka monopolin e moralit në botë.

Përtej kësaj, ja vlen të hiqen mënjanë dy pasazhe nga përgjigjet e z. Escobar. Së pari kur ai flet për Berishën:

U takon votuesve të përcaktojnë se në ç’pozitë janë partitë politike në Shqipëri. Është për të ardhur keq që megjithëse ne e konsiderojmë Partinë Demokratike një partner të rëndësishëm në Shqipëri, jo gjithkush që pretendon se është anëtar i Partisë Demokratike është një partner i rëndësishëm i yni në këto momente.

Përsa i përket rikthimit, nuk jam i sigurt se është tamam ashtu. Është e mundur që ai të ketë mbështetës. Por unë do t’u tërhiqja vëmendjen atyre që mendojnë se fakti…Mundet që ai të ketë shumë mbështetës…Por nuk dua të flas për Berishën

Çka do të thotë se zoti Escobar, në një dalje tipike prej zyrtari amerikan, po na thotë se mbështetësit nuk kanë vlerë përkundrejt interesit amerikan. Pra u takon votuesve, por ato duhet të jenë syçelët se çfarë vendosin, duke injoruar fare hapur faktin se nëse votuesit nuk e duan Bashën në krye të PD-së, kjo pak i intereson SHBA që e do Bashën aty ku është. Edhe pse atë e ka vendosur Berisha si ushtarin e vet. Demokracia për të cilën SHBA na ka mëkuar në këto 30 vjet pluralizëm është fjalë e likujduar në fjalorin e këtij zyrtari. Me pamjen e një shefi kuzhine në konkurs gatimi, z. Escobar përcakton madje edhe se çfarë quhet një opozitë e shëndetshme, pavarësisht se kush voton:

Unë besoj se çdo vend evropian, ashtu si edhe vendi ynë duhet të ketë një opozitë të shëndetshme. Besoj se Partia Demokratike aktuale e ofron një gjë të tillë. Unë kam një marrëdhënie të mirë me zotin Basha. Kështu që do të thoja se ajo që po ndodh në rrugë nuk reflekton në të vërtetë atë që është tani Partia Demokratike. Kështu që shpresoj që votuesit të kuptojnë, që votuesit ta refuzojnë këtë lloj sjelljeje

Mund të merret me mend se për çfarë niveli po kemi të bëjmë dhe se çfarë rëndësie ka vërtet Shqipëria që trajtohet këtu me tonin e një bisede në kazino. Zoti Escbar ecën edhe më tej kur flet për të ardhmen e ndritur të Shqipërisë, duke ngritur megjithatë gishtin e këshillës: mos gaboni të dashur shqiptarë!

Dua të flas për të ardhmen e Shqipërisë dhe të ardhmen e marrëdhënieve shqiptaro-amerikane. Tani Shqipëria është një nga aleatët më të fortë dhe më të rëndësishëm që kemi në rajon. Marrëdhëniet tona në të gjitha aspektet, politike, strategjike, ushtarake dhe madje edhe ekonomike po rriten më shpejt se çdo marrëdhënie tjetër në rajon. Ne duam ta mbajmë të tillë. Kjo është e ardhmja. Nëse njerëzit, përfshirë përkrahësit e tij duan të shohin prapa, u takon atyre (të vendosin). Por ne shpresojmë që njerëzit ta kuptojnë se Shqipëria ka një të ardhme shumë të ndritur përpara, nëse vazhdon në rrugën që po ecën, që është një orientim i fortë euroatlantik

Nëse kjo është e ardhmja e ndritur dhe nëse Escobar është profeti i saj i radhës, atëherë mjerë ne! Lulzim Basha nuk është as e ardhmja e vetes në politikë dhe këtë e ka provuar disa herë. Si vallë duhet që të besohet një politikë e një shteti të fuqishëm që nga një anë flet për partneritet strategjik, minon kuadrin demokratizues për të cilin ka investuar aq shumë duke përkrahur liderë që ndërmarrin akte personale dhe nga ana tjetër me një mendjelehtësi të çuditshme thonë se u takon njerëzve të vendosin.

Intervista është një lëmsh logjik me inkoherenca të mëdha, por nuk është e vështirë të merret vesh mesazhi në bazë: Basha është njeriu ynë pavarësisht se çfarë bën. Edhe Rama.

Kjo politikë nuk kundrshtohet veçse me forcë, pasi me fjalë dhe procedurë është e qartë se asgjë nuk ndryshon.

s.zaimi / Respublica.al

Vazhdo leximin

Me teper

Stil5 orë më herët

Kërcënohet gjyqtarja Diana Di Meo, i publikojnë videot intime, zyrtarja: Është hakmarrje!

Gjyqtarja italiane Diana Di Meo, ka deklaruar se disa faqe i kanë vjedhur disa video intime dhe ia kanë publikuar...

Stil5 orë më herët

“Edhe 8 vite më ke, do martohem me tjetër”- Rudina Dembacaj i bën “presion” Mark Frrokut

Aktorja Rudina Dembacaj ka zbuluar se shkoi tek fallxhorja për të pare fatin e saj dhe letrat taro kanë parashikuar...

Kryesore6 orë më herët

Asnjë kryeministër të mos qëndrojë më shumë se dy mandate/ Po Luli pse duhet të qëndrojë tre në opozitë?

Sot Lulzim Basha si gjithmonë tha perlën e tij të rradhës, shfaq hipokrizinë, talljen dhe neverinë që ka ndaj shqiptarëve....

Radar19 orë më herët

GUXIMI I HARBUTËVE!

GUXIMI I HARBUTËVE! Nga Dr. Erion Dasho Kur kryetaruci i bashkisë nuk kishte lindur akoma, Sul Mema çonte peshë stadiumet....

Kryesore19 orë më herët

Horri apo Lavirja e Bashkisë së Tiranës?

Nga Respublica.al Audiopërgjimi i Erion Veliajt që u publikua gjerësisht në media formalizon njohjen e një gjëje të njohur: arrogancën brutale...

Stil19 orë më herët

U shfaq pranë Bora Zemanit, Vin Veli: Kam raport të mirë, patjetër që do e uroja

DJ Vin Veli, ish-partneri i Bora Zemanit është parë në ditëlindjen e 30-të të moderatores. Dj i njohur i surprizoi...

Stil1 ditë më herët

7 arsyet kryesore që keni një dhimbje koke

Kur godet një dhimbje koke e keqe, thjesht dëshiron që ajo të marrë fund. Dhimbja e fortë dhe e vazhdueshme...

Stil1 ditë më herët

Edhe ju shqetësoheni nga rrallimi i flokëve?!

Humbja e flokëve tek gratë mund të shkaktohet nga shkaqe të shumta, dhe disa janë të shërueshme. Ndërsa rënia e...

Stil1 ditë më herët

A është e dëmshme kërcitja e kockave?

Për shumë njerëz një nga gjërat e para që bëjnë sapo zgjohen nga gjumi është kërcitja e kockave dhe tërheqja...

Stil1 ditë më herët

Keni dhimbje dhe ngërce në këmbë gjatë stervitjes?

Njerëzit që kanë dhimbje në këmbë kur ushtrohen mund të kenë nevojë për një vlerësim për t’u siguruar që kanë...

Facebook