Tatimet kanë ushtruar një kontroll në biznesin e Agron Dukës, vëllait të kreut të FSHF-së Armand Duka. E pyetur nga gazetarët, gjatë komunikimit të vendimeve të qeverisë, ministrja e Financave Delina Ibrahimaj, u shpreh se është një rastësi.

Sipas Ibrahimajt, denoncimet për bizneset në fjalë kanë qenë më të hershme dhe se administrata po funksionon në bazë të ligjit.

“Në fakt administrata funksionon në bazë të ligjeve dhe procedurave tatimore. Rasti në fjalë ka qenë rastësi në këtë moment, vjen pas një sërë denoncimesh. Administrata ka detyrimin t’i mbyllë brenda një afati 7 ditor. Janë subjekt i kontrolleve të shpeshta, për uljen e informalitetit”, u shpreh Ibrahimaj.