Kafeja është një nga pijet më të konsumuara në botë, prandaj nuk është çudi fakti që studimet rreth efekteve që ka në shëndetin tonë vijnë duke u rritur.

Pyetja që bëhet shpesh është se deri në çfarë mase pirja e kafesë është e mirë për trurin?

Në vitin 2017, disa mjekë raportuan për një studim që ishte bërë te 676 burra të moshuar për 10 vjet për të parë nëse kafeja i mbronte ata nga humbja e kujtesës. Ata zbuluan se meshkujt që pinin kafe kishin më pak humbje të kujtesës sesa ata që nuk pinin.

Efekti më i madh u pa tek ata që pinin tre filxhanë kafe në ditë, ndërsa ata që pinin më pak kishin efekte më ta pakta.

Si mund të mbrojë kafeja trurin nga humbja e kujtesës?
– Kafeina rrit serotoninën dhe acetilkolinën të cilat mund të stimulojnë trurin dhe të ndihmojnë në stabilizimin e barrierës gjaku-tru.

– Mikronutrientët polifenol në kafe mund të parandalojnë dëmtimin e indeve nga radikalet e lira, si dhe bllokimin e enëve të gjakut të trurit.

– Përqendrime të larta të trigonelinës gjenden në kokrrat e kafesë, të cilat mund të aktivizojnë antioksidantë, duke mbrojtur kështu enët e gjakut të trurit.

Megjithatë, jo çdo substancë në kafe është e mirë. Kafeja e pafiltruar, për shembull, përmban vajra natyralë të quajtur diterpene, të cilat rrisin nivelet e kolesterolit LDL – duke rezultuar në trashjen dhe ngurtësimin e mureve të arterieve në tru.

Si të përfitoni sa më shumë nga kafja?
Nëpërmjet kërkimeve dhe studimeve është zbuluar se kafeja ka më shumë efekte të mira sesa të këqija kur konsumohet në moderim.

Rekomandohen dy deri në katër filxhanë në ditë, ose më pak se 400 miligramë kafeinë.

Ja se si mund ta pini kafenë për të maksimizuar përfitimet e saj në tru:

1. Përshtatuni me kushtet trupore
Kafeja nuk ndikon te të gjithë njësoj dhe mund të ketë efekte negative, veçanërisht nëse konsumohet me tepricë.

Për të vendosur se sa kafeinë të konsumoni (ose nëse do ta konsumoni), përshtatuni me inteligjencën tuaj të lindur të trupit. Kjo do të thotë të dini se si ushqimet dhe pijet ju bëjnë të ndiheni, pastaj të veproni në përputhje me rrethanat.

Nëse kafeja nuk ju bën të ndiheni mirë pasi e keni pirë disa herë, ndoshta nuk është e mirë për trupin tuaj.

2. Bëjeni kafen pjesë të rutinës suaj të mëngjesit
Rutinat e mira të mëngjesit mund të ndihmojnë në rritjen e aftësisë së trurit dhe pozitivitetit. Nëse ju pëlqen kafeja dhe aroma e saj padyshim që me një filxhan kafeje do ta nisni ditën shumë mirë.