Deputeti i PD, Ervin Salianji, një nga mbështetësit më të ‘zjarrtë’ i Lulzim Bashës para se PD të humbë edhe në zgjedhjet e 6 marsit, i ka bërë thirrje kryedemokratit të largohet.

Në një postim në Facebook, Salianji shkruan se Basha po përpiqet të blejë kohë dhe të manipulojë që të vijojë të qëndrojë në krye të PD.

“Lulzim Basha duhet të ikë!

Megjithëse në këto orë po përpiqet të blejë kohë e të manipulojë duke u përgjëruar “edhe për njê tjetër herë të fundit” e cila nuk ka fund, por po tenton të çojë PD drejt fundit!

Ai thote qe “po lufton”, por u bënë 9 vite që luftojmë për të dhe e vetmja luftë e tij është lufta ndaj demokratëve! Duhet ta shohë realitetin në sy, ai nuk mundet më të marrë zvarrë të ardhmen që po bëhet e shkuar.

Partia Demokratike është aset kombëtar jo aset personal!

Si përherë me demokratët”, shkruan Salianji.