Aktori i njohur i humorit, Florjan Binaj mungoi së fundmi në spektaklin ‘Portokalli’, ndërsa u pa i angazhuar dhe duke mbajtur fjalime në protestat kundër rritjes së çmimeve gjatë ditëve të fundit.

E gjitha kjo duket se lidhet me planet e reja të aktorit, pasi sipas “Kryefjala”, Binaj ka planifikuar krijimin e një partie të re politike duke hequr dorë kështu nga aktrimi.

Binaj ka njoftuar se do të mungojë edhe për një kohë të pacaktuar për shkak se po përgatit diçka të madhe.

“Do të mungoj edhe këtë të diel dhe nuk e di se sa. E para nuk ka lidhje me protestën, ka lidhje me diçka më të madhe për të cilën do t’ju flas në ditët në vazhdim”, u shpreh aktori pak ditë më parë.