Një studim i ri i publikuar në “BioMed Central Journal” zbuloi se dieta jonë mund të zvogëlojë ose të rrisë mundësitë e prekjes nga depresioni. Studiuesit dolën në përfundimin se një dietë e pasur me fruta, perime, arra dhe bishtaja mund të ulë shanset e prekjes nga depresioni dhe të limitojë simptomat e tij.

Studiuesit vëzhguan 15093 persona të cilëve iu kërkua të raportonin dietën e tyre ditore. Gjatë intervalit prej 10 vitesh, në të cilën studimi u zhvillua, u vu re se personat që ndiqnin një dietë të ngjashme me Dieten Mesdhetare, pra kosumonin rregullisht peshk, fruta, perime, bishtaja dhe arra, kishin një mundësi shumë më të ulët për tu prekur nga depresioni, se personat që konsumonin një dietë të pasur me mish dhe ushqime të skuqura.

Autorja kryesore e studimit Almudena Sanchez-Villegas nga “University of Las Palmas de Gran Canaria” tha në një deklaratë për shtyp se u vunë re përmirësime të ndjeshme në shëndetin mendor të njerëzve që filluan të ndiqnin një dietë të shëndetshme. Edhe ndryshimet më të vogla në dieten e njerëzve si shtimi i frutave në dietën e tyre apo ulja e sasisë së mishit që ata konsumonin e zvogëlonte ndjeshëm rrezikun e prekjes nga depresioni.

Studime të mëtejshme në këtë fushë mund të përcaktojnë një dietë e cila duhet të jetë më efikase në parandalimin dhe kurimin e depresionit pa nevojën e medikamenteve. Gjithashtu ku studim i hap rrugën studimeve të tjera për efektet e dietës së përditshme në shëndetin mendor dhe gjetjen e mënyrave të reja për trajtimin e sëmundjeve mendore.